قاعد مع صديقه جدام التلفزيون .. مالي خلق التلفزيون .. طلع واحد

  في برنامج كان تخمط الرموت كنترول وتغير المحطه .. ليش يبا ؟

  قالت خابره انك ما تحب شكله .. تكرهه .. قلت لها رجعي المحطه

  أبي اكرهه أكثر !

 

 

 

 

 

 

 

 

 

  سايق تاكسي كويتي كبير في السن .. السيارات الشفر الصفرا

  اللي يوقفون عند المطار .. ماشي بشارع الشويخ .. عبر عامل

  ايراني .. داسه .. صدمه .. نزل خالي مرعوب .. سلامات سلامات

  قال العامل .. سلامات زق .. راس مكسور .. زهر مكسور .. ريل

  مكسور .. انتي حيوانه !

 

 

 

 

 

 

 

 

 

 

 

  أحلى عمر عند الامريكان والاوروبيين .. بعد سن الستين .. بعد التقاعد

  ياخذ فلوسه هو والعروسه العجوز ويلفون العالم .. يخت .. طياره ..

  حمير في اليونان .. يشوفون كل مكان كانوا ايام الشباب يحلمون فيه !

 

 

 

 

 

 

 

 

 

  هني .. صلوات على محمد .. أول ماتاخذها كانه ماخذك ابليس

  تتدلع وهي في المرايه سخله .. تتقلب على السرير مثل الدوده

  وتختفي تحت المخده .. بوسه يا مدام ؟!

  أحد يبوس دوده يا حمار !

 

 

 

 

 

 

 

 

 

 

 

  من كثر خضرة الربيع في صحراء الكويت .. الحيوانات عندنا

  تعودت تاكل جريدة القبس السياسه الوطن .. وتلحس ايدك

  لما تعطش !

 

 

 

 

 

 

 

 

 

  قد يتخلى كل شي عنك .. ويبقى معك الله .. فكن مع الله .. يبقى

  كل شي معك .. !

 

 

سناء

القاهر

2011

 

 

 

 

 

 

 

 

 

 

 

 

 

  اللي مات ارتاح مجرد ما اندفن    

  والنعيم يمكن يكون وسط العفن

  كن حكيم واعلن خبر موتك بنفسك   

  وامشي لابس فوق سراويلك كفن

 

 

 

من رباعيات

ابراهيم راجح

   مصر    

 

 

 

 

 

 

 

 

 

 

 

 

  صورتك على الكمدينو .. قبل النوم .. قبل لا اطفي الابجوره

  اقرا قل هو الله احد .. واقول الشهاده .. على امل اشوفك في

  حلمي .. مادام وانا صاحي مش عارف ارضك .. يلعن ابوكي

  إنتي فين ؟!

 

 

 

 

 

 

 

 

 

 

 

 

  ابيع اللي أملكه .. وأشوفك مثل باريس .. تكونيش ميته

  في باريس من بُعدي ؟!

 

 

 

 

 

 

 

 

 

 

 

  إنتي لسه مسطوله على طول .. برج إيفل في باريس

  لسه موجود في مكانه .. والا حركتيه في راسك .. أنا

  مين يا ورده ؟

  أوعي تناديني مروان مثل آخر مره .. تعبت وأنا أقولك

  أنا عبدالعزيز .. يا حماره عبدالعزيز .. عبدالوهاب ..

  عبدالمتجلي .. بس اللي يونسك مروان؟.. مالو عبدالعزيز ؟!

 

 

 

 

 

 

 

 

 

 

 

 

  وين هاي الفرقه مالت السرقه .. هنا سيدي .. اشوفهم ؟

  سيدي .. قلنالكم اشرطة راقصات .. سهير زكي .. نجوى

  فؤاد مالت قبل يا تيوس جايبين معيدي اسمه .. شنو اسمه ؟

  المحيلان سيدي .. يا جلاب هاي راقصه .. جبار .. سيدي

  .. رشهم ؟!

 

من خطاب صدام حسين

في القصر الجمهوري

اكتوبر 1991

بغداد

 

 

 

 

 

 

 

 

 

 

 

 

  في فلم رابعه العدويه .. مثلته نبيله عبيد .. لكن الاغاني كلها

  بصوت أم كلثوم .. قصة وحده مش ولابد .. وتابت .. وهامت

  في حب ربنا .. أحبك حبين .. حب الهوى .. وحب لانك أهل

  لذاك ! كلنا في يوم .. راح نتوب .. ونصير نبيله عبيد !

 

 

 

 

 

 

 

 

 

 

  يا مالك الملك .. يا أمل في الدنيا والآخره .. هونها علينا شوي

  نضيت .. استويت .. بالعدال يا ربي !

 

 

 

 

 

 

 

 

 

 

 

  أثنين اصدقاء من زمان .. تلاقوا صدفه واحد يسأل الثاني

  شلون الأهل .. الأولاد شلونهم ؟ قال له كلهم زينين الكبير

  فيهم توه متدين .. مربي لحيته ليمه سره .. وشعره اسود

  كبير .. اذا اقبل عليّ من دون غتره .. أحس كنه يطالعني

  من تيوب اسود متفوخ !

 

 

 

 

 

 

 

 

 

 

 

  عقارب الساعه يمرون فوق بعض 24 ساعه .. لو مو مظبوطين

  في المسافه الدقيقه اللي بينهم .. راح يركبون فوق بعض على طول

  ويوقفون .. وتوقف الساعه !

 

 

 

 

 

 

 

 

 

 

 

  من فتّحت عيوني من إمية سنه في الكويت .. والدنيا

  غبار .. الكون اصفر يوحي بالمرض وضيقة الصدر

  بالحساسيه وعمى الالوان .. احنى نلبس النظارات

  السود مو دلع .. ولا مثل طه حسين .. نلبسهم

  على شان نشوف ظلمه على ظلمه !

 

 

 

 

 

 

 

 

 

 

 

  في الربيع .. تتفتح الورود .. وتزهر الازهار .. وينتشر

  عبير الخضره على الاماكن والمكان .. إلّا هني .. في عز

  الربيع تجي لك غيمه صفرا محمله بسخام من العراق

  او ألعن من صحراء السعوديه .. ما تقول لي وين نروح

  في الربيع !

 

 

 

 

 

 

 

 

 

 

 

  بلد مكشوفه مثل صلعة زوج أمك .. لا خضره مثل

  أوروبا .. طبيعيه ولا اللي تزرعه الدوله يجملها ..

  سكران داخل في نخله ثمنها 5الاف دينار .. وعضو

  مجلس أمه .. راكب دوار كله زهور .. منشوره في

  الجريده .. ما تقول لي وين تروح .. اذا هالاشكال

  تشرّع لك القوانين !

 

 

 

 

 

 

 

 

 

 

 

 

  يا خضره يا بطيخ .. طلّع أرض في العبدلي أو الوفره

  وازرعها جت .. برسيم .. الحمير صاروا أكثر من الشعب

  عندنا !

  الحمار شيفكر ياكل .. فلافل والا شوارما !

 

 

 

 

 

 

 

 

 

  الله ميّزنا عن باقي المخلوقات اللي في الكون كله .. إحنا

  نقدر نعبّر عن مشاعرنا .. بالكلمات .. بالكتابه .. بالإشاره

  وبالإشاره أقدر اقول إني انا أحبك وايد .. مثل ما أقدر أقول

  إن أنت عندي جحش ماكو مثله !

 

 

 

 

 

 

 

 

 

 

 

  الله السما زرقا وصافيه .. السما مو زرقا .. السما مالها لون

  لانه ماكو سما .. هذي أطياف .. هذا الجو المحيط في الكره

  الارضيه .. الفضاء أسود مخيف .. اسألوا رواد الفضاء اللي

  طلعوا من المركبه .. وسبحوا حواليها !

 

 

 

 

 

 

 

 

 

 

 

 

  الكون .. على الاقل في المجموعه الشمسيه اللي احنا ساكنين

  فيها .. نسبح في فراغ ماله نهايه .. الارض والقمر والمريخ

  نسبح في فراغ أسود .. ندور حوالين روحنا .. وندور حوالين

  الشمس كل 24 ساعه .. لي يوم القيامه .. أو لما نتصادم مع

  بعض .. هو هذا يوم القيامه !

 

 

 

 

 

 

 

 

 

 

 

 

  لما اقولك صباح الخير يا ورده .. إصحي .. الروز الاحمر

  يفرد أوراقه في طلة النور .. ويتمدد نعسان مثل صباح الفل

  في الفراش !

 

 

 

 

 

 

 

 

 

 

 

  مدي ايديك في حجرة النوم .. واخذيني بوكس من غير

  ما تقصدين .. ورده وقاعده تتمغط !

 

 

 

 

 

 

 

 

 

 

 

 

  من نعم ربنا على الانسان .. النسيان .. يضيع من بين

  ايديك حبيب .. يموت قبل الاوان .. تبكي دم ليل ونهار

  مع الايام والشهور والسنين .. ذكراه تروح في الذاكره

  لي الآخر .. يصير تذكّره في الشهر مره .. بعدين تذكره

  في السنه مره .. ما عدت تبكي .. بالعكس .. تضحك على

  سوالفه كلما خطر في البال !

 

 

 

 

 

 

 

 

 

 

 

 

  انسان يا خالق الانسان .. تحكمني في أكثر الاحيان شهواتي

  عاد الله يالشهوات .. هالراقصات في الميادين .. هالنوافير يالله

  من فضلك ترقص على كيف كيفك .. اشجار الكرز والخوخ

  والليمون تظلل عليك .. لابس بوت بنطلونك داخله .. تقول

  في سيبيريا .. كوت سيبيري من فرو الثعالب والدببه ؟

  واللي محاوطينك وبيدهم خيازرين .. دشاديشهم عند الركب

  ودرجة الحراره 50 مئويه .. درجة غليان .. وتسألني يا

  حمار ليش ما تطلع من البيت !

 

 

 

 

 

 

 

 

 

 

 

  في القرون الوسطى سنة 1250 ميلاديه .. ما اخترعوا البنج

  لكن الطب متقدم .. ادوات الجراحه معروضه في متاحف أوربا

  من ذاك الزمان .. هذا المريض لازم يفتحون بطنه .. شلون

  يتحمل بدون بنج .. بسيطه .. في حجرة العمليات يعطونه

  بطل نبيذ .. زجاجة خمر .. يشربها كلها .. وياخذها الطبيب

  ويكسرها على راسه .. خلاص أعمل العمليه !

 

 

 

 

 

 

 

 

 

 

 

  نجحت العمليه .. كل شي تمام .. خيطوا بطنه في مخيط

  طوله شبر .. مال خياطة خياش .. ينطرونه يصحى .. مش

  ممكن ؟ العمليه الجراحيه ناجحه لكن جمجمته مكسوره

  من طقت البطل !

 

 

 

 

 

 

 

 

 

 

 

 

  لا تنام وأنت زعلان على أحد .. لاتنام وأحد زعلان عليك

  لانه احتمال كبير انك تنام وما تقوم للأبد .. ليش تقابله

  يوم القيامه وأنتوا زعلانين .. مو كفايه ذنوبك مزعله ربنا !

 

 

 

 

 

 

 

 

 

 

 

 

  الاحلام خلقت لكي تتحقق .. ولا ليش نحلم أساسا .. وليش

  وجدت هذي الكلمه في الحياه !

 

 

 

 

 

 

 

 

 

 

 

  كان حلم عند انسان .. وقبل لايموت تحقق .. حلمه امبراطوريه

  تصل عظمتها الا ما بعد الغيوم .. للسماء .. كان في الاصل حلم

  خذ عندك نابليون مثال .. يوليوس قيصر من مدينة مقدونيا

  في اليونان .. احتل الهند وما وراء الهند وهو في منتصف

  العشرينات من عمره .. ومات هناك في الثلاثينات من عمره

  هذولا القاده والجيوش اللي ماشيه على رجليها أحتلت العالم

  في العصور المظلمه .. عصور ما قبل التاريخ .. هتكوا عرض

  الشعوب واغتصبوهم !

 

 

 

 

 

 

 

 

 

 

  في المحكمه .. يطلب القاضي شاهدين لاتمام عقد الزواج

  ماكو شاهدين في ذيك الساعه .. طلع العريس يدوّر على

  أثنين .. لقى مسجونين مع شرطي وضابط في ايديهم حديد

  سحبهم للقاضي .. ينفعون هذولا طال عمرك ؟

  قال القاضي ينفعون .. ما حاجه يبصمون على العقد ..

  بصماتهم جدامي .. توي حاكم عليهم بالاعدام !

 

 

 

 

 

 

 

 

 

 

 

  عندي باب في البيت .. لما أقبل عليه يفتح بروحه .. مع انه

  المفتاح بيدي .. ما يسمح افتح .. أتكلم عن القفل !

 

 

 

 

 

 

 

 

 

 

 

  في الحياه .. نصادف ناس .. ونعاشر ناس .. تمضي الحياه

  أيامها ولياليها .. وتكتشف متأخر وايد انهم مو ناس .. معلش

  يطلعون زباله .. طبيعة الحياة !

 

 

 

 

 

 

 

 

 

 

 

  اذا ربنا خلقك طيب القلب وحنون مع البشر المحيطين فيك

  قالوا غبي وعلى نياته .. واذا المحيط وسخ .. راح تطلع وسخ

  ومجرم ابن اكلب وحرامي .. الطيبين يبعدوا عنك لأنك حثاله

  اعتقد انها ردة فعل طبيعيه عند الناس الطيبين .. مو قالوا

  الطيبين للطيبات !

 

 

 

 

 

 

 

 

 

 

 

  أيام السياحه في مصر .. اسكنت حجيه كويتيه مع بناتها

  في الهلتون .. في كل حجره ثلاجه صغيره .. هالحجيه تفتح

  الثلاجه وتلاقي بطول خمر صغار .. وسكي جن أبيض فوتكا

  بيره أجنبيه .. هالحجيه تاخذهم وتكتهم في الحمام على اساس

  انه حرام .. صاحب العربانه مالت الكحول يوميا يعبي الثلاجه

  الناقص ويكتب الفاتوره .. والحجيه شهر تكتهم بالحمام على

  اساس انه حرام .. الحين راحوا الرسبشن على شان السفر

  عطنا الفواتير لو سمحت .. الجنتل اللي في الرسبشن يقول

  للحجيه واولادها حواليها .. حجيه مطلوبه ميتين الف جنيه

  خمره .. صاحت شنهووو .. الحجيه ليما الحين موجوده

  في السجن بالقاهره .. اولادها حولوهم مركز الايتام !

  يا حماره يا حجيه من قالج تكتينهم !

 

 

 

 

 

 

 

 

 

 

 

 

  لما أقوم فجأه من السرير .. من أي مكان في البيت .. اتذكر

  بيت من أغنيه لفيروز .. دارت فينا الدار واحنا أولاد صغار

  ما عندي صغيره ولا كبيره على شان يلف راسي مثل المسطول

  في مكان غارق في البياض .. وحمام السباحه التركواز في وسط

  الصاله .. يمكن فقر دم مثل أولاد أفريقيا جوعانين .. ماكو اكل

  أنا فيه أكل اشكال والوان .. لكن مو قادر آكل !

 

 

 

 

 

 

 

 

 

 

 

 

  مشتاق لمصر .. للقاهره .. للرائحه الممزوجه في الشبوره

  الضباب في الفجر والديزل والدخان .. للمشاوي على الرصيف

  للكبده .. للذره المشويه .. اكره الذره .. خريج مصر من أول

  السبعينات .. بعد ألف سنه رجعت وعشت في أجمل فندق

  إفتتحه عبدالناصر في الستينات .. هلتون النيل !

  أنا احب عبدالناصر اكثر من النيل الجاري من ملايين السنين

  وفي مصر !

 

 

 

 

 

 

 

 

 

 

 

 

  في غرفة النوم .. ونومي صعب طول عمري .. سمعت جرس

  الباب .. عندي جرس صوته يصحي الميت .. قمت غصب علي

  اشوف مين ورا الباب .. مفيش ؟ اذن الجرس كان في حلمي ..

  حتى في حلمي يصحيني الجرس !

 

 

 

 

 

 

 

 

 

 

 

 

  في شرق آسيا .. البوذيين .. والهندوس .. ما يقتلون الفيران

  ولا النمل .. يسرحون في معابدهم .. ويأكلونهم .. في سوريا

  العربيه تُقتل روح انسان .. بشر مسالم كل دقيقه .. ماكو فرق

  عجوز أو طفل .. سوريا .. خلصينا من الحثاله .. بلاش ايران

  وحزب إبليس .. طولتوها .. سنتين كفايه يا سوريين .. جاي

  على بالكم تخلصوا على يد هالفار .. شكل وجهه فار .. وهو فار

  عكس اسمه تماما !

 

 

 

 

 

 

 

 

 

 

 

  شوف نهاية الحثالات .. القذافي قعد يقتل شعبه اربعين سنه

  في يوم ضربوه الثوار بالجزم .. ونحروه .. وكان ساعتها

  مختفي في انبوب مجاري .. صدام مثله .. هذا اللي ارعب

  العالم في احتلال الكويت .. وجدوه زي الكلب في حفره

  ينهشه الدود والقمل والبراغيث .. وشنقوه في صباح عيد

  الاضحى .. ما خلوه يكمل الشهاده .. اي شهاده يا اجرب !

  دائما للشعوب يوم .. مثل يوم القيامه  !

 

 

 

 

 

 

 

 

 

 

 

 

  سيف الزق القذافي .. ابن القذافي شايفه في التلفزيون يهدد

  الشعب الليبي أول الثوره بأنه راح يقتلهم .. لما مسكوه قطعوا

  اصابعه العشره .. المحكمه الدوليه للجرائم في لاهاي .. هولندا

  تطالب فيه علشان تحاكمه .. قال الشعب الليبي اللي قتلنا

  وهتك عرضنا 40 سنه .. احنا راح نهتك عرضه على الطريقه

  الليبيه .. ونقتله بطريقتنا .. وندخل اصابعه فيكم !

 

 

 

 

 

 

 

 

 

 

 

 

  الطيارات ما تطيح كل يوم .. كل 50 سنه مره .. وتكون الطيحه

  خطأ بشري .. الكابتن طيحها .. اللي يموتون باالالاف على الارض

  مو طايحين من السما .. مئات الالوف يموتون في سياراتهم سنويا

  سواقين ومشاة .. ليش اتخاف من الطياره .. خاف من السياره اللي

  ماخذتك المطار !

 

 

 

 

 

 

 

 

 

 

 

  من أروع المدارس السينمائيه اللي ظهرت مع اختراع الكاميرا

  هي مدرسة الافلام الوثائقيه .. ينقل لك العالم على حقيقته بدون

  رتوش الى حضرتك وانت مستلقي على الاخر في صالتك امام

  شاشة التلفزيون .. أنا وثائقي !

 

 

 

 

 

 

 

 

 

 

 

 

 

  لولا الوثائقيه ما شفنا هتلر بعد 60 سنه من انتحاره .. شلون

  صار كلب وتسبب بشكل مباشر وغير مباشر بقتل 50 مليون

  انسان في الحرب العالميه الثانيه .. ولا شفنا كلب ايطالي

  متخلف اسمه موسوليني .. ولا مجرم مخيف مثل قاتل روسيا

  العظيمه .. ستالين .. ولا جربوع منتف متخلف مثل صدام !

 

 

 

 

 

 

 

 

 

 

 

 

 

  عشت أجمل أيام حياتي اللي قاعده تغفي .. ورايحه يوميا

  صوب الغروب .. في مصر القاهرة .. أيام أعظم انسان في

  الدنيا .. جمال عبدالناصر .. عشت في عزه وملكوته .. وعشت

  في نكسته في 67 .. ويصر القدر قبل التخرج .. اني أمشي في

  جنازته .. ما تقول لي هذا القدر فين بالضبط عنوانه .. علشان

  أقتله وأقتل روحي !

 

 

 

 

 

 

 

 

 

 

 

 

  نعرف كبشر طبيعيين .. انه اللي فات روعه .. ومش ممكن

  الزمان يعيد نفسه .. طبيعة الحياة .. منذ الازل .. مبارح عمره

  ما يرجع .. يتسائل الاديب المصري جمال الغيطاني .. مبارح

  راح فين !

 

 

 

 

 

 

 

 

 

 

 

 

 

  وانت منسدح تطالع ولا شي .. تفكر فيك وفي اللي حواليك

  يتسرب هاللون الابيض الخفيف .. من حوالين الستاره ..

  بداية بكره وتكتشف لا انت تسوى شي ولا اللي حواليك ..

  ولا بكره !

 

 

 

 

 

 

 

 

 

 

 

 

  في قطو نايم .. حلم انه في قطوه جميله تناديه فوق السور

  نط مشتاق مهووس .. ماكو قطوه هذا حلم .. لما نزل لقى

  تحته كلب حراسه ينطره .. تخيل انت شصار !

 

 

 

 

 

 

 

 

 

 

 

 

 

  طائر الزرزور .. يدوشنا من الفجر على الفاضي .. لا هو تغريد

  ولا هو لون .. طائر خرائي .. واحد منهم منفعل وايد .. طاح في

  حمام السباحه عندي .. طبعا ما عرف يسبح لانه مو بطه .. كسر

  خاطري .. قطيت له تيوب انقاذ .. ومع هذا غرق !

 

 

 

 

 

 

 

 

 

 

 

 

  الحياة مهما طالت قصيره .. بنعيش الف سنه مثلا .. مش ممكن

  اذا صحتك زينه من زمان حدك سبعين بالكثير وتموت .. عادي

  طالع صفحة الوفيات .. شنهو الاهم في هذه الحياه الزائله .. حب

  يطبطب عليك .. يضحك من قلبه بالفراش معاك .. هذي الحياة

  القصيره !

 

 

 

 

 

 

 

 

 

 

 

 

  سيدنا علي قبل 1400 .. حكمه تمشي على الارض .. هذا الانسان

  في كل الازمان مو معقول .. ماله شبيه .. سيدنا على ما يتكرر في

  الحياة الدنيا .. مره ثانيه !

 

 

 

 

 

 

 

 

 

 

 

 

  كنا في مكان لطيف .. بره الكويت رومانسي شموع وكاسات

  في فندق درجه فل .. طلبت لها كاس .. معروف للسيدات .. على

  حواشيه .. اطرافه سكر .. في وسطه يا زيتونه .. يا حبة من الكرز

  تعال شوف اللي شفطته في غمضة عين ولحسة السكر وزرطت

  الزيتونه .. شوف عيون نساء ورجال .. صوبي .. ايا بقره !

 

 

 

 

 

 

 

 

 

 

 

  تحبك ناس في الحياه .. ما تعرفك .. بعيده عنك .. وانت تحبهم

  أكثر وما تعرفهم .. لو جاد الزمان .. وعايز يكرمك .. تتخلق الفرص

  العجيبه وتلاقيهم في بيتك جدامك .. في أحلى من كده !

 

 

 

 

 

 

 

 

 

 

 

 

  في حب في الحياه له خصوصيه .. تموت في انسان .. واحد بس

  وحب لناس كثير تستاهل الحب .. هذا الحب العام .. مثل المواصلات !

 

 

 

 

 

 

 

 

 

 

 

 

  الحياه دائما .. فيها كل شي أول مره .. المولود من اول يوم يعرف

  يرضع من صدر امه .. هذي غريزه .. في حب أول مره .. جنس اول

  مره .. تنلقلب في سيارتك أول مره .. تغرق في البحر وتشرب تانكي

  ماي مالح أول مره .. الطراق أول مره .. البوكس أول مره .. الخمر

  أول مره .. الحياه كلها فيها أول مره .. غصب عليك !

 

 

 

 

 

 

 

 

 

 

 

  ما في شي كامل في الحياه .. لا يمكن .. الكمال لله وحده .. هو اللي

  مش ممكن يكون فيه عيب .. احنا بشر .. تحلم في وحده اللي هيّه

  راح تطلع عقب العشره ناقصه .. 40 في الميه .. نعمه لو عشت

  معاها وتحقق من احلامك وخيالك ستين في الميه .. يخرب بيتك

  تتورط في حيوانه .. ما تطلع ولا عشرين في الخرى .. هم انت في

  نظرها طلعت ماري منيب .. ولا شي !

 

 

 

 

 

 

 

 

 

 

 

 

 

  الكويتيين .. يقولون عن انسان استخف دمه وايد .. وحركاته

  فلان ين وقعد .. ين من الجني .. مر عليك جني .. سوى اللي

  سواه .. وقعد !

 

 

 

 

 

 

 

 

 

 

  يسألني صديق .. تعتقد ان الحمار عنده خيال ؟  قلت له مادري ..

  ما كنت حمار علشان أفكر في هالسؤال .. شلون يفكر .. يتصرف

  مثل باقي المخلوقات في الحياة .. الغريزه تحكمه .. مو هو بس

  من الفيل للنمله .. غريزه مو شرط يفكر مثل الانسان ويخطط

  ويخترع طياره وصاروخ وسياره وتلفزيون وتلفون نقال وانترنت

  ما يقدر عليها الحمار ولا البقره !

  لو تقدرالبقره كان ما حلبناها ليل ونهار وهي ساكته !

     

 

 

 

 

 

 

 

 

 

 

  تقدر تحلب إمرأه .. حتى لو صدرها بقره .. والستيان تفصال

  ماله رقم .. ما تقدر .. هي ودها بس انت تستحي !

 

 

 

 

 

 

 

 

 

 

 

  صديقات كويتيات من مواليد 1930 .. متزوجات .. وحده تقول حق

  صاحبتها عن زوجها .. هالريال من يوصل نص الليل وريحته طرشي

  يقتلني .. يعذبني .. يقضي علي .. قالت رفيجتها .. هالطرشي وينه ..

  وين يبيعونه !

  يا مدام هذا مو طرشي .. ويسكي .. من حظَك  !

 

 

 

 

 

 

 

 

 

 

 

  اقول لها حرام الساعه خمسه ونص صباحا .. ما تنامين .. قالت

  ما ابي اغفو وانت صاحي .. اخاف اغمض عيوني تطلقني .. انا

  عانس .. عيزت انطر وانا نايمه .. بعد انت .. لا .. ما فيني نوم !

 

 

 

 

 

 

 

 

 

 

 

  سلام عليك ايها البدوي الجميل .. يوم ولدت .. ويوم أبدعت

  ويوم رحلت .. سلام يا سليمان !

 

 

 

 

 

 

 

 

 

 

  في هذا الزمان الردئ

  يطأطأُ للريح هامته العربي

  ويشمخ فوق انحناءات الجميع الغبي !

 

  سليمان الفليح

  السبعينات  

                                               

                                                                              

 

 

 

 

 

 

 

 

 

 

 

 

 

 

  صديق طلع نص الليل من عندي .. لاحظت انه نسى تلفونه

  النقال .. فتحت الباب اناديه .. راح .. عملت تلفون ابي اقول له

  نسيت تلفونك ؟

  تلفونه صار يرن بايدي الثانيه وفيه اسمي ورقمي !

 

 

 

 

 

 

 

 

 

 

 

 

 

  أخطر بلوى تصيد انسان انه ما ينام .. النوم لكل مخلوقات الارض

  هي تجديد طاقه .. على شان الجسد والمخ يشتغل ثاني يوم

  انا ما أنام طبيعي من 35 سنه ولسه عايش ومخي يشتغل كويس

  يعني مره ومره !

 

 

 

 

 

 

 

 

 

 

 

 

  نشرت الصحف وكل وسائل الاعلام .. ان العلماء الامريكان

  اخترعوا ساعه ذريه .. تغلط في ثانيه وحده بعد 13 الف مليون

  سنه .. وهو التاريخ المتوقع ليوم القيامه .. دمار الكون كله ..

  صلوات على محمد !

 

 

 

 

 

 

 

 

 

 

 

 

  الرجل لما يكبر في العمر .. مهما كانت مكانته .. يحلم بأنثى

  أصغر منه بكثير .. على شان تاخذه معاها للربيع وهو في فراشه

  مو عجوزه تعيسه .. اتسحبه معاها للقبر !

 

 

 

 

 

 

 

 

 

 

 

 

  هذي تشتري لها هديه عيد ميلادها طقم اسنان

  وهذي تشتري لها طقم ألماس !

 

 

 

 

 

 

 

 

 

 

 

 

  الاهرام المصرية 1 سبتمبر 2013

  أكد الباحث الاثري سامح الزهار المتخصص في الاثار الاسلاميه

  والقبطيه انه على مر العصور عرف تاريخ البشريه حكاما ورؤساء

  تصرفاتهم غريبه تصل الى الجنون ولا يمكن تفسيرها بالمنطق

  والعقل .. يقول الزهار من أبرز الحكام على التاريخ المصري هو

  سادس حكام الدوله الفاطميه الحاكم بأمر الله 390 هجريه .. من

  أبرز تصرفاته غير المنطقيه هو منع أكل الملوخيه .. يا حبيبي !

 

 

 

 

 

 

 

 

 

 

 

  تقول المصادر انه سمح فيها بعدين .. بس لازم تكون بالارانب

  معنديش أرنب يا حمار .. مكلش ملوخيه .. بعدين منع أكل الجرجير

  أول ما حكم مصر كان عمره 15 سنه .. رباه انسان اسمه برجوان

  هرب برجوان .. لما أنجن هالحيوان .. طلب يجيبوا برجوان من

  تحت الارض .. جابوه .. قطع راسه على طول في 390 هجريه

  الحبيب أصدر قرار بأن يؤذّن لصلاة الظهر في أول الساعه 7

  صباحا .. ويؤذّن لصلاة العصر في الساعه 9 صباحا .. يا حبيبي !

 

 

 

 

 

 

 

 

 

 

 

  أذان المغرب يا حمار معناته لازم يكون 1 الظهر .. منع شي في ذاك

  الزمان إسمه الفقاع .. الخمر .. وأراق خمسة الاف جره من العسل

  في البحر .. خايف من الشعب لا يعمل منها نبيذ .. النبيذ يا تيس مو

  من العسل .. من العنب .. أحلى نبيذ !

 

 

 

 

 

 

 

 

 

 

 

  منع زراعة الكروم .. منع العنب .. في ولايته ما كان فيه عنبّه وحده في

  مصر ! منع صلاة التراويح في رمضان عشر سنوات .. يعني تصلي

  الفرض 4 ركعات .. بيتك بيتك .. صل التراويح مع أمك !

  منع المرأة تمشي في جنازه .. ولا تحط ميك اب ولا تكشف وجهها

  منع بيع السمك من غير قشر .. بعدين منع الصيادين يصيدون سمك

  من اساسه .. يالله بالمره !

 

 

 

 

 

 

 

 

 

 

  الله عليكِ يا مصر .. مئات السنين وانتِ بتتحملي الحكام المجانين

  لحد أول امبارح .. يا صابره .. يا عظيمه !

 

 

 

 

 

 

 

 

 

 

 

 

  الحاكم بأمر الله .. عملت ايه لمصر .. هرم جديد زي الفراعنه ..

  عملت قنوات عظيمه على شان يوصل ماي النيل لكل مكان في مصر

  ويزرع الفلاح التعبان غيطه وتخضر أرضه ويقطف في الآخر عرق

  جبينه ويبيع محصوله .. انت يا مختل مالك ومال الملوخيه في البيوت

  بعد عشر سنين تسمح فيها للشعب بس لازم يكون فيها ارانب .. يا حمار

  انا احب الملوخيه بالقطط .. انت مال أمك !

 

 

 

 

 

 

 

 

  NATIONAL GEOGRAPHIC       

 

        

  اليمن    

هذي المدام ؟ .. برافو عليك .. ما فيه اصغر شويه !

 

 

 

 

انت صورة غلاف على أشهر مجله في العالم

قات وبنات على سبع سنوات !

 

 

 

 

 

 

 

وفاة طفلة يمنيه (( ليلة الدخلة ))

بعد زواجها من أربعيني !

 

 

  بعد نقلي بعشرة أيام موضوع اليمنيات الاطفال من مجلة

                  NATIONAL GEOGRAPHIC

  جاتنا مصيبه من وكالات الانباء وجرائد كويتيه الخبر يقول :

  صنعاء . رويتر : توفيت طفله يمنيه في الثامنه من عمرها ليلة عرسها

  نتيجة اصابتها بنزيف داخلي بعد ان تزوجت من رجل عمره خمسة امثال

  عمرها !

 

 

 

 

 

 

 

 

 

 

 

 

 

  ستيلا .. بيره مصريه معموله من الشعير .. طول الزجاجه نص متر

  هذا الكلام ايام الدراسه في الستينات .. اذا كثرت منها .. وتجشأت

  تغرت .. يطلع منك شعير بالصاله .. مثل الحمامه !

 

 

 

 

 

 

 

 

 

 

 

 

 

  من الاغاني الشعبيه قديما بالكويت .. يقول مجموعه من الاطفال

  باكر العيد ونذبح بقره .. ياريت .. الله يا كم بقره في بالي مالت صلخ !

 

 

 

 

 

 

 

 

 

 

 

  نعجه بـ 31 ألف دينار .. في مزاد بالكويت .. صاحبها موراضي يبيع

  يبي 40 ألف دينار .. الدينار الكويتي يساوي 3 دولارات وشويه ..

  شنهو فيها هالنعجه .. تخلف خرفان فحول ؟ والنعجات الباقي في البلد

  يخلفون جنوس !

 

 

 

 

 

 

 

 

 

 

 

 

  طير صقر .. طير قنص .. صايده واحد بالصحرا .. وصل في المزاد

  الى 209 ألف دينار .. طير .. يموت في ثانيه .. نباطه تقتله .. بندقيه

  أم صجمه .. إنتوا جنيتوا .. في ناس في دول ثانيه تاكل من الزباله !

 

 

 

 

 

 

 

 

 

 

 

 

  أمنيتي أسهر معاك ليلة راس السنه وأموت ثاني يوم .. ليلة 1914 !

  شنهو .. هذي كانت الحرب العالميه الاولى ! آسفه 2014 ! اشوى ..

  خرعتيني .. أبوي ما انولد .. تسهرين معاي !

 

 

 

 

 

 

 

 

 

 

 

 

  في جريدة الشرق الاوسط يقول الاستاذ سمير عطا الله .. بعد حرب

  1967 أطلق المصريون هذه النكته ..

  الاستاذ : من هو اعظم قائد عسكري في التاريخ ؟

  التلميذ : المارشال جوكوف .. لانه ترك الالمان يتوغلون في روسيا

  حتى جاء الثلج فقضى عليهم .

  الاستاذ : ومن هو أهم قائد عربي ؟

  التلميذ : المشير عبدالحكيم عامر .. لانه ترك الاسرائيلين يحتلون سيناء

  وأهو بقى مستني الثلج !

 

 

 

 

 

 

 

 

 

 

 

  فتحت شباكي لشمس الصباح

  مدخلش منه غير عويل الرياح

  وفتحت قلبي عشان ابوح بالالم

  مخرجش منه غير .. محبه وسماح

  عجبي !

 

صلاح جاهين                   

  صحفي و رسام كاركاتير     

  كاتب الليله الكبير             

   

 

 

 

 

 

 

 

 

 

 

 

  الانسان اللي قاعد يدمر الارض .. مو الخالق .. الانسان اللي اخترع

  القنبله الذريه .. والاسلحه الكيماويه .. والنابالم .. واخترع كيماويات

  على شان يقتل الحشرات في الحدائق والغابات .

  انت قتلت الفراشات الرائعه ودودة الغز اللي تصنع الحرير .. قتلت الطيور

  بكل الوانها وروعتها .. قتلت الورود والازهار .. وخليت لنا البومه

  وابوحقب .. يابوحقب !

 

 

 

 

 

 

 

 

 

 

 

 

  الله لما يبي يدمر قريه .. مدينه .. بلد كامل .. يسلط عليها مترفيها

  انتوا .. يمحيها من الوجود .. الدجاج في البصره - العراق خمسين

  دجاجه بخمس دنانير .. انتوا يا مترفيها .. عندكم دجاجه مو فرس

  عربي اصيل يوصل ثمنها بخمسين الف .. يا فجره !

 

 

 

 

 

 

 

 

 

 

 

 

  اعلنت وكالة ناسا الامريكيه .. عن رحله الى كوكب المريخ في سنة

  2022 .. وفتحوا باب الاشتراك للناس العاديين .. وفي الصحافه

  الكويتيه قرأت انه فيه مجموعه من الكويت مستعدين يدفعون التكاليف

  ويسافرون للمريخ .. يا حبيبي !

 

 

 

 

 

 

 

 

 

 

 

 

  انت تعرف متى توصل .. مفكر تلبس بنطلون وقميص نص كم

  والا دشداشه وعقال .. هذا المريخ مو الوفره .. ولا العبدلي ولا

  الشاليه .. ولا القاهره ولبنان ولا أمريكا .. هذا ابعد كوكب في

  المجموعه الشمسيه .. أقرع .. كل حفره فيه كبر العديليه ..

  مضروب ضرب من اربع الاف مليون سنه .. من الانفجار الكبير

  في الكون .. تعيس .. أهم عنصر في الحياه على الارض الاوكسجين

  في المريخ وزحل وأقماره .. وقمرنا حبيبنا اللي يمنا .. اوكسجين مافيه

  ماي ماكو .. ريح ماكو .. توصل هناك بدون بدله فضائيه خاصه

  وصندوق الاوكسجين على ظهرك .. تموت في ثواني .. مثل واحد

  شانقينه في السجن المركزي !

 

 

 

 

 

 

 

 

 

 

 

  تبي تروح حبيبي ثلاث سنوات بس روحه .. علشان تقعد نص ساعه

  وترجع ثلاث سنين الطريج راجع للارض .. هذا اذا فيها رده  !

 

 

 

 

 

 

 

 

 

  اقضب ارضك .. لا يقصون عليك .. وتصير تيس .. اتمنى تموت

  قبل 2022  !

 

 

 

 

 

 

 

 

 

 

 

 

 

 

 

 

  أكلم صديقه في مصر .. طول التلفون علشان ترد .. انتي فين ؟

  قالت بنشر الغسيل في البلكونه .. مش معقول .. مفروض ترمي

  الغسيل في الزباله .. دلوقتي يا هدوم جديده يا ملط .. قالت نعم

  وقفلت الخط !

 

 

 

 

 

 

 

 

 

 

 

 

  الوشم الظاهر على الاجساد بكل الالوان أمام كل الناس .. مسخره

  اذا كانت انثى أحس انها رخيصه .. واذا رجل .. أكيد بلطجي .. وحثاله

  مهما كان عمره !

 

 

 

 

 

 

 

 

 

 

 

 

  هذا مو فن .. هذا اعلان للتخلف .. الله عطاك جسد ابيض او اسود

  نظيف .. ليش تلعب فيه بهالطريقه التعيسه .. ماشي كأنك لوحة

  اعلانات !

 

 

 

 

 

 

 

 

 

  بالتأكيد حريه شخصيه .. وبالتأكيد أيضا .. نظرتنا لك حريه.. شخصيه !

 

 

 

 

 

 

 

 

 

 

 

 

  ربنا عطانا ذاكره .. منزويه في العقل البشري الباطن .. إلا درجة

  إنك تقدر تستعيد أيام طفولتك وشبابك وأنت رجل في الخمسين

  والستين .. تشوف اللي حبيتهم وعشت معاهم .. رجل أو أمرأه

  من عشرات السنين .. تشم ريحة العطر اللي تعودوا يحطونه

  كأنهم لاصقين فيك الآن .. اذا خطروا على البال .. واهم اختفوا

  عن عينيك ألف سنه !

 

 

 

 

 

 

 

 

 

 

 

 

  ذاكره .. اتفاجئك مثل رنة التلفون فجأه وانت في فراشك مابين

  الصحوة والغفوة !

 

 

 

 

 

 

 

 

 

 

  لو احنا خلقنا بدون ذاكره .. حنكون ناس عندها زهايمر .. مايعرف

  اسمه ولا وين هو فيه .. وبالتالي مش ممكن يكون عنده ذكريات العمر

  كله .. هو انسان عايش بالقدره .. اتوكله ياكل اتشربه يشرب .. تومه

  ينام .. ماكو أحد في عالمه !

 

 

 

 

 

 

 

 

 

 

 

  كل شي يشوفه من ضمنهم انت .. اقرب الناس له .. رمادي .. مايعرف

  الاسود ولا الابيض .. ولا لون البحر .. أول خل يعرف البحر شنهو

  على شان يعرف لونه !

 

 

 

 

 

 

 

 

 

  اتلبسه بشت .. عبايه سوده .. كنبل .. كلهم مثل بعض .. لو ماتراعيه

  وتحافظ عليه .. خلي يعرف باب البيت .. راح يلبس مايوه بوخيط ..

  ويطلع يسبح على الرصيف .. مع انه ماكو ماي .. اشوية مطر خربوطه

  وراح !

 

 

 

 

 

 

 

 

 

 

 

 

  كرز أحمر .. لما يطرح الكرز الاحمر في المواسم .. في كاس شمبانيا

  شفاف ورقيق مفتوح على الآخر .. فيه كرزتين .. شفايفك !

 

 

 

 

 

 

 

 

 

  إنت النور .. في الصباح إنت نور .. وأكو نور في المسا .. إنت !

 

 

 

 

 

 

 

 

 

  لما نحب .. كل شي نور .. كل اللي حوالينا .. نور .

  من بداية الخلق وهالأنسان يتساءل .. الله شلون صاير ؟!

  هو قال عن نفسه .. الله نور السماوات والأرض .. إذن الله نور ..

  مو مثلنا .. ليس كمثله شئ .. عطاك عقل عاد أنت تخيل .. يعني شنهو

  ليس كمثله شئ !

 

 

 

 

 

 

 

 

 

 

 

  الله شكثر العذاب الالهي قاسي .. لما تكون مريض وايد .. وتسمع صوت

  انسان كريه .. يقولك شلونك اليوم !

 

 

 

 

 

 

 

 

  ما أنا لما يختفي صوتك من دنيتي .. ممكن أطيب .. علاجي اختفائك !

 

 

 

 

 

 

 

 

 

 

 

 

 

  للشعوب المقهوره صحوه .. وللطغاة المجرمين غفوه .. تنتهي حياتهم

  تحت الجزم .. لازم يموتون بطريقه مأساويه .. وعلى الهوا .. في الاخبار !

 

 

 

 

 

 

 

 

 

 

  من كان يتخيل هذا الرئيس الحثاله .. هذا الجبروت .. بعد اربعين سنه

  يموت بهالطريقه .. بالجزم والنعل والسكاكين .. على الهوا برضه ..

  ابن الكلب يا الهوا زمان .. قبل الاقمار الصناعيه .. كان قتل الرئيس

  سوكيتي !

 

 

 

 

 

 

 

 

 

 

 

 

  الله يا قلبك لما يكون أخضر في الحياة .. في الدنيا .. الجنه خضرا

  يا رجل .. مو معقوله تكون جنة ربنا حمرا .. لو الجنه حمرا جهنم

  شراح تكون .. لون القطب الشمالي .. بيضه وايد .. لو تخيلتها جذي

  قطوني في النار رغم حسناتي .. الله يا حسناتي !

 

 

 

 

 

 

 

 

 

 

 

 

  طبيعة الحياة .. اللي حبيتهم في يوم قبل ثلاثين سنه .. لازم يختفون

  من وجودك .. من ناظريك .. ماتوا يا اخي وهم اصغر منك .. تزوجوا

  وكونوا عيله كبيره اصغر ولد عندها كبرك .. في عمرك .. راح تسهر

  وتحلم في حب من ثلاثين سنه .. ده كلام يطلع من مخك اللي في

  القسم التحتاني فيك !

 

 

 

 

 

 

 

 

 

 

 

  أروع اختراع في هذا الكون .. من بداية القرن العشرين .. الكاميرا

  أعظم من اختراع البنسلين والسياره والطياره .. أعظم اختراع الصوره

  ثابته أو متحركه !

 

 

 

 

 

 

 

 

  يموتون وهم أمامك في برواز .. وحتفضل بعدك في نفس البرواز الصوره

  وانت حتكون في برواز !

 

 

 

 

 

 

 

 

 

 

 

 

  ليش دائما أجمل أيام الحب .. العشق والموده .. كانت في الماضي ..

  في الامس البعيد .. ليش ما تكون اليوم وبكره ؟!

 

 

 

 

 

 

 

 

 

  ما تكون لأنَا صرنا بهايم .. مو أوادم نعرف معنى الحب .. واحد يحفر

  للثاني .. بدال ما نعرف طريق المطار على شان نروح نعيش الحب

  صرنا نعرف طريج المخفر .. كنَا نفرح وإحنا رايحين للشاليه .. الحين

  نفرح لانه رايحين للنيابه !

 

 

 

 

 

 

 

 

 

 

 

 

  حثاله اختلطت .. تنصت على المكالمات .. مراقبه .. حثاله رايحه جايه

  جدام بيتك ليل ونهار .. هذا مستوى النسوان .. شتريد !

  تبي وحده منهم تعال اعطيك اميه .. ببلاش !

 

 

 

 

 

 

 

 

 

 

 

 

 

  بوعبدالعزيز وين الباخره ؟ المركب وينه .. والله مادري .. آخر خبر

  كانت الحموله في كلكتا ! اي كلكتا يا بوعبدالعزيز .. غرق والا بيوصل

  فكنا من كلكتا .. كلكتا هذي شنهي بوعبدالعزيز .. كلكتا طال عمرك يا

  مرزوق بلد .. انا حمار ما اعرف عنه شي .. الله يعوض عليكم .. الله

  يرحم اللي اغرقوا .. في كلكتا ! اي نعم .. كلكتا .. وينهي في يا حمار

  يا بوعبدالعزيز !

 

 

 

 

 

 

 

 

 

 

 

 

  الله لما الاقيك صدفه بعد غياب مية سنه .. أوقف ساكت .. مثل الاخرس

  خفقان .. كنتي الحب الأول .. وعندي الأخير .. يا خبر .. انتي حلم

  المكان اللي احنا فيه اسمه جمعيه .. والناس كل هالناس زباين .. جايين

  ليه جعانين .. احنا في افريقيا .. انتِ ايه اللي جابك .. على شان أموت

  صدفه !

 

 

 

 

 

 

 

 

 

 

 

 

  يا أرحم الراحمين .. يا تواب يا غفار .. يا عظيم .. رحمتك وسعت

  السماوات والارض .. رحمتك منك فيك !

 

 

 

 

 

 

 

 

 

  تغفر للعصاه .. المذنبين .. أهل الخطايا البشعه .. لانك عظيم .. هذولا

  المجرمين خلقك .. وهذولا الطيبين الاوادم النظيفه .. خلقك .. لانه

  الجنه انت خلقتها .. ويمها خلقت النار !

 

 

 

 

 

 

 

 

 

 

 

  لانك رب الاكوان .. ما في قبلك ولا في بعدك .. اغفر لنا خطايانا

  احنا خطائين .. كل بني آدم خطاء .. خير الخطائين التوابون ..

  نخاف ما نتوب قبل لا نتموت !

 

 

 

 

 

 

 

 

 

 

 

 

  القادمات أجمل .. من قالك القادمات أجمل .. مو يمكن قادماتك في مخفر

  مو يمكن في مستشفى .. مو يمكن في قادماتك إنت وسيارتك الصغيره

  المكشوفه تحت شاحنه .. مابي أقول قطار لانه ما عندنا قطار .. عرفنا

  شكله من الافلام بس !

 

 

 

 

 

 

 

 

 

 

 

 

  يحاولون جماعتنا من الوزراء يسوون الكويت مثل دبي .. أحّيه !

 

 

 

 

 

 

 

 

 

 

 

  رسائل النقال .. ما يسوى علينا هالنقال .. استلم ادعيه وتنبيهات

  قبل الصلاة .. آخر الرساله يا ربع دينار يا نص دينار .. قلنالكم

  ما يسوى علينا هالنقال !

 

 

 

 

 

 

 

 

 

 

  من متى يا أهل الدين تشبون علينا بالرسائل .. شي تحفيظ القرآن

  شي تذكير بالصلاة .. تقول احنا من فجرة قريش لما طلع النبي محمد

  وانتوا في نظري قوطي في قض  !

 

 

 

 

 

 

 

 

 

 

 

 

 

  في فلم تسجيلي أمريكي .. يقول المعلق .. أفضل قصص الحب هي التي

  لم تتم أبدا !

 

 

 

 

 

 

 

 

 

  تقول له .. أروع شي في الدنيا القصيره إنك معانا .. يمنا .. نشوفك

  ونسمعك ونشمك بعد .. ملعون أبوهالدنيا القصيره !

 

 

 

 

 

 

 

 

 

 

 

 

 

  الغياب .. حاله وحشه .. مو تمام .. غيابك إنت و إنت .. وغياب

  انسان في الحياه غاب عن عينيك .. الغياب حاله مؤلمه .. لما تفكر

  في حزنك في فرحك في مخلوق اختفى من بين أصابعك من بين ايديك

  زي الميه .. وراح .. وين راح ؟

  راح يمارس الغياب !

 

 

 

 

 

 

 

 

 

 

 

 

  على روعة الاتصالات والمواصلات في العالم .. هذي الثوره في

  التكنلوجيا العظيمه .. من تلفونات نقاله .. الا الكمبيوتر .. النت

  فيه غياب .. غصب عليك في اختفاء .. معقوله !

  ايه معقوله غصب على خشمك .. الحياه اللي احنا فيها الآن ..

  في غياب في كل بلد في الدنيا .. غياب .. اخذ حبه ونام .. طلع أول

  النور .. ابتدى بكره .. وأنت تفكر في الغياب !

 

 

 

 

 

 

 

 

 

 

 

 

  لما ترقص في سهره حلوه مع الشيطان .. دير بالك .. آخر الليل

  راح ياخذك مكان مظلم .. ما أعتقد ترجع منه !

 

 

 

 

 

 

 

 

 

 

  الشيطان اشكال .. مره على شكل بني آدم ريال .. مرّه مرأه .. أو

  حيوان .. مو معروف شلون صاير شكل الشيطان .. انما بالتأكيد

  اهوا اللي داخلك مثل الجن .. يوسوس لك في كل شي زباله .. لحد

  ما توصل مرحلة الجريمه !

 

 

 

 

 

 

 

 

 

 

  من شاف الجن في صالة بيتك .. في فراشك .. مذكورين في القرآن

  لكن تشوفهم وتعاشرهم لا يمكن .. ولا الشيطان .. عقلك المختل ..

  ضميرك .. هم السكين بيدك علشان تقتل !

 

 

 

 

 

 

 

 

 

 

 

  ليش اللي حبيناهم وايد ومتنا فيهم موت .. يختفون مع الزمن التعيس

  ويطلع بدالهم لعنه تمشي على كعـب !

 

 

 

 

 

 

 

 

 

 

 

 

 

  كويتي أول مره يسافر لندن مع أمه .. مريضه .. نزل من الفندق

  يبي يعبر معاها الشارع .. ماسك ايدها .. بدال ما يطالع يمين ..

  طالع شمال .. تاكسي أسود داسه هو وامه وماتوا .. وهو ماخذها

  للعلاج !

 

 

 

 

 

 

 

 

 

 

 

  ما يعرف المرحوم ان المرور في لندن غير الناس .. رايح يعالج

  امه .. رجعتهم السفاره حق الكويت .. في تابوتين !

 

 

 

 

 

 

 

 

 

 

 

  لو انت رئيس روعه .. رئيس دوله وعندك نفط مو معقول .. واستلمت

  الحكم في انقلاب 40 سنه .. شتسوي في بلدك المحطمه التعيسه في 40

  سنه وكل يوم في الخزينه مليار دولار .. وانت مو حرامي ولا عائلتك

  ولا عصابتك .. انت رئيس روعه .. تخيل وطنك خلال 40 سنه شراح

  يكون !

 

 

 

 

 

 

 

 

 

 

 

 

  غفى فجأه .. نام ساعه .. يسأل صديقته لما صحى عندكم الساعه

  كم ؟ قالت نعم ليش أنت حالم بالسويد .. السويد على أطراف القطب

  المتجمد الشمالي .. الشمس دائره برتقاليه فوق الأفق .. ما تغيب

  6 شهور في السنه !

 

 

 

 

 

 

 

 

 

 

 

  جيناتهم تعودت .. على الصبح والظهر والليل .. مع ان ما فيه

  الا النور 6 شهور .. لا صبح ولا ظهر ولا ليل !

 

 

 

 

 

 

 

 

 

 

  يصحون الصبح في نفس التوقيت .. يروحون الشغل .. الدوام ..

  يتغدون الظهر .. أو وجبة العشاء الرئيسيه مثلنا في المساء ..

  غابت الشمس ما غابت مو شغلهم .. هذا تكوينهم .. هذي الجينات !

 

 

 

 

 

 

 

 

 

 

  سكان القطبين .. الأسكيمو .. في الشمال وجنوب الكره الأرضيه

  فطارهم فقمه .. غداهم سمك .. عشاهم حوت !

 

 

 

 

 

 

 

 

 

 

 

 

  ليش ما يموتون وبيوتهم ثلج .. جيناتهم خلقوا بهذي الصوره

  منذ الأزل بالضبط مثل البدوي في صحراء الربع الخالي .. ليش

  الحراره في الصحراء وفي عز الصيف توصل أكثر من الخمسين

  درجه .. ومن آلاف السنين .. ما مات بدوي واحد فيهم ولا ماتت

  البعارين !

 

 

 

 

 

 

 

 

 

 

 

 

  على أشعارهم وغزلهم .. من كان يتخيل .. واحد بس في أيام

  الجاهليه في الجزيره العربيه .. وحتى بعد مجئ الأسلام وقبله

  المسيحيه واليهوديه .. ان في بداية القرن العشرين .. راح يطير

  جسم مصنوع من الألمنيوم في السماء .. ويصل لأبعد مكان في

  الأرض في ساعات .. ويحمل مئه ومئتين والحين أربع مئة انسان

  في الزمن اللي فات .. في الجاهليه والأسلام .. الرحله 6 شهور لي

  سنه من الجزيره العربيه علشان رحلة الشتاء والصيف .. والمدى

  الشام سوريه ولبنان .. مصر وشمال أفريقيا .. 6 شهور لي سنه

  بعير وخيل وحمير .. تخيل العذاب .. مع الوحوش في الطريق و

  الافاعي .. والسلاح سيف وخنجر وسهم .. رشاش حبيبي الحين

  بندقيه فيها تلسكوب .. أقتلك في راسك على بعد كيلو متر .. وانت

  واقف في البلكونه تشم هوى !

 

 

 

 

 

 

 

 

 

 

 

 

  عاشت شعوب الجاهليه في الجزيره العربيه .. على الخمر والنساء

  قبل الأسلام .. كل شي حلال .. لما جاء الأسلام ما حرم الخمر فجأه

  عطاهم مهله طويله .. الآيه في القرآن تقول في البدايات .. لا تقربوا

  الصلاة وأنتم سكارى ..  يعني كانوا يروحون المسجد البسيط بعد

  اسلامهم وهم شاربين نص بطل .. نص قنينه .. وكان السطر اللي

  ورا الأمام مثل الثعبان .. يتلوى .. محد قاعد يوقف عدل .. ولا

  يعرفون الا .. آميـــن !

 

 

 

 

 

 

 

 

 

 

 

 

  تمكن الأسلام في الجزيره العربيه وصار ينتشر في الأوطان

  انزلت الآيه في القرآن .. اللي تقول حرمت عليكم الخمره ؟

  تشربها انت فاجر !

 

 

 

 

 

 

 

 

 

 

  اعرف ناس بالكويت ملتزمين بالصلاة من صغرهم .. ما يشربون

  الا بعد صلاة العشاء .. يا حبيبي .. وراك صلاة الفجر بعد ساعتين !

 

 

 

 

 

 

 

 

 

 

 

  تولدك أمك سمكه انت سمكه .. تولدك بلبل انت بلبل .. تولدك امك

  تيس يعني تيس .. مو بأيدك .. غصبا عليك !

 

 

 

 

 

 

 

 

 

 

  تولدك أمك معمر .. لازم تطلع القذافي .. تولدك أمك قذاف الدم

  يعني قذاف الدم هالبشر منين جابوا هالأسامي .. ما تقذف الا

  دم .. ما يصير بيبسي .. مانجا فراوله !

 

 

 

 

 

 

 

 

 

 

 

 

  أهدتني انسانه زمان بلبل في قفص رائع .. ما أقدر .. هذا الجمال

  هذا التغريد مسجون .. طلعته بره القفص يطير للسما .. ورميت

  القفص الجميل ! هذا مو خيال .. كانت الهدايا زمان روعه وغريبه

  لكن ما تعيش معاي .. لانها روح مسجونه .. كان يكفي بوكيه ورد

  في الفازا في الصاله الورد خلقت في هذي الحياه .. علشان نتمتع

  برؤياه .. وعلشان نشمه .. وعلشان نهديه للأحبه !

 

 

 

 

 

 

 

 

 

 

 

 

  أكو في دنيانا أشياء بسيطه جدا خلقت معانا .. حسب الأزمنه

  زمانا اللي احنا فيه تلاقي الفواكه الرائعه بكل أشكالها .. الورود

  الزهور .. في زمانا أروع أشكال الحلويات .. عندنا اختراع اسمه

  آيس كريم .. اختار زي ما انت عايز !

 

 

 

 

 

 

 

 

 

 

 

  مش ممكن قبل الف سنه يكون عند البشريه اللي عندنا الآن

  لسبب بسيط .. ما كان في ثلاجه .. لان ما في أعظم اختراع

  في البشريه مثل الكهربا !

 

 

 

 

 

 

 

 

 

 

 

 

  لا تعاتب كثير .. لا صديق رجل ولا امرأه صديقه أو حبيبه ..

  كثرة العتاب يخلي حتى اخوانك ينفرون منك !

 

 

 

 

 

 

 

 

 

 

  دايما أقول العتاب للنسوان .. طبيعتهم .. انت رجل .. كثرة

  عتابك يخليك مثلهم !

 

 

 

 

 

 

 

 

 

 

  اتحمل واسكت .. أحلى .. ناقص تبكي على صدري وأشك فيك !

 

 

 

 

 

 

 

 

 

 

 

 

  كان في المنتخب الرياضي الكويتي أيام عزه في المطار .. مسافر

  للخليج .. دورة الخليج .. وكان في انسان تعبان كويتي .. رايح يسافر

  مادري وين فيه .. حصلت لخبطه .. طلع المواطن الطياره المخصصه

  للمنتخب الكويتي بالغلط .. طارت الطياره .. هو الوحيد اللي لبسه غلط

  نادوا مدير الفريق .. حجي شيابك معانا .. قال انتوا شيابكم .. حاس

  كأني بملعب القادسيه ! حجي وين رايح بالضبط .. قال انتوا وين رايحين؟

  قالوا احنا رايحين دورة الخليج بالبحرين .. قال البحرين فيها خمر ؟

  قالوا اكيد .. قال بس اعتقد هذي اللي انا رايح لها ! ممكن التذكره حجي

  عطاهم التذكره والجواز .. والا التذكره حق بومبي في الهند !

 

 

 

 

 

 

 

 

 

 

 

 

  بدوي معاه بعيره .. الجمل .. ضايع في صحراء الجزيره العربيه من

  سنه يدوّر ماي .. اخذته الأقدار الى نفود .. مرتفع من الرمال .. طالع

  اللي أمامه وصرخ .. الله يا كثر الما .. يقصد الماء .. طار اهو وبعيره

  واشربوا .. ماتوا .. كان هذا الماي الكثير البحر الأحمر !

 

 

 

 

 

 

 

 

 

 

 

  لما نزل القرآن في بداية الرساله المحمديه .. وكُتب على جلد الغزال

  كان كلام مثل الطلاسم .. ما تعرف تقراه .. لانه ما كان مُشَكِّلْ .. ما

  عرفوا التشكيل .. لا الضمه ولا الهمزه ولا الواو الصغيره ما عرفوا

  الكسره تحت الكلمه .. التشكيل في اللغه العربيه جاء بعد القرآن

  بقرون طويله .. والقرن مئة سنه !

 

 

 

 

 

 

 

 

 

 

 

 

  شلون شعراء فطاحل في الجاهليه قالوا هذا الشعر الرائع ؟ لانه

  الشعر كان لغة العرب .. يحفظونه .. ما يشكلونه .. يحفظونه مثل

  ما قاله الشاعر .. كانوا إذاعه متجوله .. كان إعلام .. المتنبي الجميل

  كان إذاعه .. قصيده قالها في بلاد الشام أمام الأمير الأموي .. أو واحد

  أجرب مثل اللي حكم مصر في زمن الظلام .. قال فيه المتنبي قصيده

  حاكم مصر هالمتخلف لا عطاه فلوس ولا أرض ولا منصب .. انقلب

  عليه شاعر العرب خلاه بيزه ما يسوى < لا تشتري العبد الا والعصاه

  معه > .. فحل الشعراء العرب في زمانه .. لسانه متبري منه .. عطيته

  يمدحك .. ما عطيته يلعن أبو سلسفيلك !

 

 

 

 

 

 

 

 

 

 

 

 

  في سنة الفين وخمسين .. راح يعيش احفاد أحفادك .. اميه وثلاثين

  سنه ! العمليه مو قدرادويه وحقن تطيل العمر .. ما راح يكون في سكر

  ولا ضغط .. ولا حتى سرطان ! هذا العلم .. ماله شغل القدر فينا .. اذا

  مت بدري وأنت صغير .. راح يكون حادث سياره .. طياره .. قطار

  أو انتحار ! ما راح يوقف قلبك وأنت نايم .. راح يوقف قلبك من مكالمه

  وأنت صاحي وبأيدك السماعه .. من اللي قاعد تسمعها يا بقر .. هذي

  اللي مطيحه حظك هذي اللي علمتك الأحلام ولون الورد هذي اللي خلتك

  تعرف انه السما زرقه !

 

 

 

 

 

 

 

 

 

 

 

 

  لا تكفر ولا تُلحد .. هناك أشياء لا يمكن لو تموت تشوفها بالعين

  المجرًده .. الله والمعجزات !

 

 

 

 

 

 

 

 

 

 

  ممكن تشوف عيسى وموسى .. وسيدنا محمد .. وعلي وأبوبكر

  والحسن والحسين .. وسيدنا عمر .. لانهم مثلنا بشر !

 

 

 

 

 

 

 

 

 

 

  لما تغادر الحياة وترحل عنّا .. ترحل جسديا .. لان الجسد مادّه

  تتحول الى رماد .. الى ماكو شي .. في قناة تلفزيونيه علميه ..

  يتحدث انسان محترم .. كبير في السن متخصص في الظواهر

  اللي مالها تفسير عند الإنسان العادي البسيط .. الروح موجوده

  ممكن تصادفها بدون معالم ظاهره ومحدّده .. ممكن تلمسك ..

  ويكش شعر جسمك .. هلّي مر عليك .. كنت تعرفه .. وكنت تحبه

  في الحياة الدنيا !

 

 

 

 

 

 

 

 

 

 

 

 

  أبوك .. أخوك .. حبيب .. ممكن يصادفك بدون ما تشوف المعالم

  واضحه .. لأنها روح .. مثل النسمه العليله في ليله ربيعيه ..

  تلمس خدك .. لكن ماتشوف النسمه .. الهواء مو ملموس .. إحساس !

 

 

 

 

 

 

 

 

 

 

 

 

  يا طول الليل على المريض .. ويا طول النهار !

  مريض .. في شي يعورك حيل .. راح ترقص علشان تنساه !

  اتفرفر مثل طير مذبوح .. لا دوا نافع ولا حقنه .. مريض يا حبيبي !

 

 

 

 

 

 

 

 

 

 

 

 

 

  حلاة الإنسان لما يمرض حيل .. ما يتعذب .. يموت على طول

  ممكن هناك عند ربنا .. راحه .. أحلى من اللي احنا فيه .. مش

  ممكن عذابات ورا بعض .. وأنت حي وأنت ميت مش ممكن .. 

  اللي ما نعرف عنه شي .. اللي في علم الغيب .. اللي في المجهول

  ممكن يكون أجمل .. أتكلم عن الروح لان الجسد فاني .. دفنته ..

  حرقته مثل الهندوس .. فاني هيكل عظمي تعيس .. فكرفي الروح

  لما تودعك وين تروح !

 

 

 

 

 

 

 

 

 

 

 

 

  مهما طال العمر وياك في الحياه الدنيا .. لا تعتقد لحظه أنك عرفت

  كل شي .. لا يمكن .. عرفت شيئاً وغابت عنك أشياءُ .. اللي يعرف

  كل شي .. الله بس مو أنت !

 

 

 

 

 

 

 

 

 

 

  الله يعرف .. لانه خالق هذا الكون .. وأنت ذرّه مالها قيمه في

  هذا الكون .. أنت ولا شي بالنسبه للي ماله حد ولا حدود ..

  لا تعرف البدايه ولا يمكن تعرف النهايه .. هو بس يعرف !

 

 

 

 

 

 

 

 

 

 

  شاط عمرك على شنهو .. رافع خشمك على ايش .. أنت مجرد

  طبل .. صوت بس !

 

 

 

 

 

 

 

 

 

 

 

 

  أيام الأخوان الرحباني في لبنان .. جزء من بيت شعر .. ما أعرف

  ان كانت مسرحيه من مسرحياتهم الجميله .. ( تسأليني عن سقمي ..

  صحًتي هي العجبُ !

 

 

 

 

 

 

 

 

  تسأليني كوني مريض .. العجيبه اني أكون طيب وصاحي !

 

 

 

 

 

 

 

 

 

 

 

 

  في عائلات زباله .. تعرف ان ولدها معاق عقليا .. وتخليه يسرح

  في الشارع .. سمعت صوت الباب الخارجي الحديد ينفتح .. انا

  مو ناطر أحد .. طلعت الباب مفتوح .. رحت ناحية المطبخ الخارجي

  انصرع قلبي .. مراهق ملتحي .. بين ايديه أحدث تلفون .. انت

  وين رايح يا ابن المجنونه .. داخل جمعيه ولّا ّمسجد .. انت مين

  يا ابن .. ولّا شريط كاسيت مقلوب .. جوابه كلمات ولا هي كلمات

  اطلع اطلع لا اجيب الخيزرانه .. سحبته للشارع وأنا أردد ملعون

  أبو اهلك !

 

 

 

 

 

 

 

 

 

 

 

 

  من يومها صرت اقفل حتى باب الحمام وانا بروحي .. في البيت

  يهدّون علينا هالمساكين المعاقين .. علشان يصروعونا .. يفتحون

  أبواب الناس وهو حسباله بيت أمه .. تخيّل لو داخل عليك حجرة

  النوم .. وأنت ما بين الصحوة والغفوة !

 

 

 

 

 

 

 

 

 

 

 

 

  اذا ماتت هي .. في روعة الورد .. وكانت ورد .. هي مكسب للجنه !

 

 

 

 

 

 

 

 

 

 

  أروع انسان ينسى .. اطلع نص الليل في الصواعق والامطار .. رايح

  الجمعيه التعاونيه .. علشان شي واحد احتاجه الآن .. اشتري كل شي

  إلا اللي طلعت علشان اشتريه  !

 

 

 

 

 

 

 

 

 

 

 

 

  المحترفين في الكتابه .. المحترفين في الصوره .. افلام .. لا يتوقفون

  أبدا .. مواهب في الدنيا .. صارت إحتراف !

 

 

 

 

 

 

 

 

 

  هذا البهيمه .. المتخلف .. يأذينا في الهرن .. الكلاكس .. ناطر زوجته

  تنزل من العماره .. لأنه بهيمه في جيبه تلفون نقال .. كلمها يا حمار ..

  الكويت لمّت من الوافدين مليون خرائي !

 

 

 

 

 

 

 

 

 

 

  شاف آلة العود أسود بالصاله وأنهبل .. أخذه في حضنه بيعزف ..

  قلت له لو سمحت .. ما أحب أسمع صوت نداف تالي الليل ..

  النداف اللي يطيّر القطن ويعمل فراش .. المنجّد !

 

 

 

 

 

 

 

 

 

 

  لا تحمي بيتك بالسياج والكاميرات .. المصيبه ممكن تكون داخل بيتك !

 

 

 

 

 

 

 

 

 

 

 

 

  هذا الرحمن الرحيم .. اللي مغفرته وسعت السموات والارض .. يحرقنا

  في نار جهنم ويطالعنا .. الله أعظم من جذي .. الله رحمه بكل معانيها ..

  آياته في القرآن تبتدي دائما بسم الله الرحمن الرحيم !

 

 

 

 

 

 

 

 

 

 

 

 

  هو الجبار .. القهار .. هو الكون .. ولأنه ما فيه في الكون أعظم منه

  يحن علينا .. يرأف فينا .. هو سوّانا .. إخترعنا !

 

 

 

 

 

 

 

 

 

 

 

  عُدت يا يوم مولدي

  عُدت يا أيها الشقي

  الصبا ضاع من يدي

  وغزا الشيب مفرقي

 

                                       

                                                                            الشاعر والأديب

                                                   كامل الشنّاوي

                                                   غنّاها فريد الأطرش

 

 

 

 

 

 

 

 

 

 

 

  اللي ماتوا فجاه من آلاف السنين كانوا عراه .. وهم في اوساط العمر

  ماتوا من مرض السكّر ومن ضغط الدم ومن السرطان .. لكن كانت

  هالشعوب ما تعرف شي عن هالأمراض .. لافي تحليل دم ولا أشعّه

  عندهم مريض يحتضر .. بيموت .. ولعوا له نار كبر جهنم .. وقاموا

  يرقصون حواليها .. واذبحوا خنزير واسكروا .. نص الليل هو مات

  مو من المرض من البرد !

 

 

 

 

 

 

 

 

 

 

 

 

 

  سكران واقف في نص التقاطع ينظم المرور .. الاشارات طافيه من المطر

  صدمه سكران ثاني جاي طاير والاشاره الحمرا سوده .. مادري ليش

  السكارى يطلعون دايما في المطر !

 

 

 

 

 

 

 

 

 

 

 

 

  اندر وير .. اللباس اللي تحت الدشداشه .. هديه لكن مقاسه كبير

  وانا واقف عند الكاشير في الجمعيه ماسكه لا يطيح بأيدي الثنتين

  الطابور اللي وراي حسبالهم عندي الكلى !

 

 

 

 

 

 

 

 

 

 

 

 

  لما تجي الزؤطّه .. ابوفهاق بالكويتي .. لا يمكن أكلم انسان بالتلفون

  لانه الزؤطّه لا يمكن تخليك تقول كلمتين ورى بعض .. والمصيبه انه

  اللي معاك على الخط فاكرك سكران .. وانت لسه جاي من مكه متحجب !

 

 

 

 

 

 

 

 

 

 

 

 

 

  لم ترى الشمس بهذا السطوع .. ولا الازهار والورود بهذه الالوان

  ولا الليل بهذا الهدوء والجمال .. إلاَ عندما تعرفت عليه !

 

                                           كلام ما أدري وين سمعته

 

 

 

 

 

 

 

 

 

 

  زوليه على رخام .. سجاده في البيت تدوس عليها طاير تطير فيك

  وأمامك لوح جام زجاج .. راح تطلع فعلا سندباد على بساط الريح

  لكن ميت !

 

 

 

 

 

 

 

 

 

 

 

  من قتل يُقتل هذا قانون ربَاني .. لكن عطه فرصه في محاكمه عادله

  يقول لنا ليش قتل روح مثله !

 

 

 

 

 

 

 

 

 

 

  في السعوديه .. يقطعون راسه .. القاتل .. وفي ساحه عامه أمام

  كل الناس .. وسلاح التنفيذ هو السيف .. شعار علمها الأخضر !

 

 

 

 

 

 

 

 

 

 

 

  أمريكا تقتل المجرم في حقنه سامه .. وبعيد عن أعين كل الناس

  إلا أهل القتيل !

 

 

 

 

 

 

 

 

 

 

  باقي دول العالم تستعمل الحبل .. شنق .. كانت في أمريكا أيام

  الكاوبوي .. وفي الدول العربيه من ضمنها الكويت .. أنا مصوَر

  فلم لحظة شنق مجرم في ساحة قصر نايف .. الآن الاعدام في

  حجره مظلمه داخل السجن .. ماكو داعي نخلي من الشنق ..

  سيرك .. عيب وحرام .. أنت كدوله متحضره تبي تاخذ حق

  القتيل بعد الحكم القضائي النهائي .. قتله بعيد .. لا تخليه  سيرك !

 

 

 

 

 

 

 

 

 

 

 

 

  أمريكا بالذات .. لانها 51 ولايه .. كل ولايه لها قوانينها .. تعدم

  المجرم بالطريقه اللي تشوفها أو اللي يحكم فيها القاضي .. الامريكان

  قساة القلب .. قتلوا الاف المجرمين في حجر الغاز .. يرافس المجرم

  مثل الفأر على شان يموت .. واللي ألعن الاعدام على الكرسي

  الكهربائي .. بعد ما يربطون المجرم عليه .. يوزعزن على جسمه

  أسلاك الكهرباء وعلى راسه طاقيه حديد .. على شان مخه يصير

  أومليت .. لما يعطي المأمور إشاره للشرطي المنفذ .. يفتح عليه

  تيار 3000 فولت .. الكهربا اللي نستعملها في بيوتنا 220 فولت

  ولو كانت الثلاجه خربانه تحظنك لحد ماتموت .. هالأمريكي أيام

  الكرسي الكهرائي 3000 فولت .. يا حرام .. السيف في السعوديه

  أهون .. نعمه .. ثانيتين ما تحس بشي أبدا لي يوم القيامه !

 

 

 

 

 

 

 

 

 

 

 

 

 

 

  المخدرات والخمر موجودين من يوم خلق الانسان على وجه الارض

  المخدرات نبات يطلع طبيعي .. ذاقه الانسان الاول .. أنسطل .. صار

  يدوره كل يوم على شان ينسطل .. الانسان المسطول بالتأكيد مستانس

  فرحان .. ليش يعيش صاحي !

 

 

 

 

 

 

 

 

 

 

 

  الخمره كانت صدفه .. ماده تخمرت ذاقها الانسان الاول .. سكر .. فرح

  صار يخمر كل شي .. نسى النخل ماله نسى زرعه نسى أمه !

 

 

 

 

 

 

 

 

 

 

  في العصر الحديث اخترع المجرمين مخدرات في المعامل مثل حبوب

  الهلوسه والغيبوبه الحلوه وحقن الهيروين والكوكايين .. صاروا من

  روعة الطيران فوق السحاب .. وهو عايش في حجرة نوم حقيره أو

  جاخور .. ياخذ جرعه زايده يبي يوصل الى ربنا .. يبي يوصل فوق

  السحاب .. يموت .. قلبه ما يخلي يوصل للرب !

 

 

 

 

 

 

 

 

 

 

 

 

  قلبه وقف .. متيبس وميت في حجرته .. الجرعه الزايده ما توصله

  حتى الجمعيه .. تبي توصل الله يا كلب !

 

 

 

 

 

 

 

 

 

 

 

 

 

  الحب ما فيه تكبّر .. فرصة الحياة .. هو أجمل احساس في الكون كله

  لا تضيّع اللي تحبه .. الحياه طبيعتها مهما طالت قصيره .. احتويه

  وخليه في احضانك لحد ما تموت !

 

 

 

 

 

 

 

 

 

 

 

 

  يقول الأمام والخطيب في صلاة الجمعه في دعائه .. اللهم إجعل الموت

  لنا راحة من كل شر .. إذن الموت راحه .. الحياه هي الألم .. هي الشرور

  هي الأذيه !

 

 

 

 

 

 

 

 

 

 

 

 

  ليش ناس بنات وشباب في قمة العنفوان .. روعة الصحه .. روعة الجسد

  ينتحرون فجأه !

 

 

 

 

 

 

 

 

 

  يقول لي تالي الليل واحنا نمشي .. الأرض اللي جدامنا منخفضه وايد ؟

  قلت له لا حبيبي أحنا اللي مرتفعين !

 

 

 

 

 

 

 

 

 

 

 

  في جريدة الأهرام المصريه عدد 20 \يناير 2014 .. زاوية فتاوي

  عنوان يقول التدخين لا ينقض الوضوء .. وتتأذى منه الملائكه !

  أشعرف الملائكه بالتدخين ؟ راكبين باص مواصلاة معاك والا

  تاكسي عمومي ولا حفلة زواج والملائكه حواليك يمين وشمال

  ما سألتهم عن الحشيش !

 

 

 

 

 

 

 

 

 

 

 

 

  شهالخرابيط .. شهالمسخره .. ليش اتدخلون الملائكه في عادات

  أخترعت أول أمس .. الخمر نقول معلش عرفه الانسان بالصدفه

  من آلاف السنين .. قبل وجود الرسل والأنبياء والكتب السماويه

  قبل معرفة الخالق .. الخمر موجود .. لكن الملائكه تتأذى من التدخين !!

  عيل اشراح يصير فيهم مع الهروين والكوكايين والأبر والحبوب .. بلاش

  مسخره في الفتاوي .. عيب .. هذولا ملايكه مش زيك يا مفتي .. غفر الله لك !

 

 

 

 

 

 

 

 

 

 

 

 

  تكون انسان لطيف يحبك اللي يعاشرك واللي حواليك .. ولا تكون مخلوق

  سيئ تكرهك حتى الحيطان اللي حواليك !

 

 

 

 

 

 

 

 

 

 

 

 

  الآلات الموجوده في البيت ما عندها إحساس ولا مشاعر ولا مجامله

  عباره عن زراير ورموت كنترول .. ما تقدر الآله اللي اخترعها انسان

  تكذب عليك .. انت الحرامي والمجرم والكذاب .. لأنك انسان .. وكل

  عيوب الدنيا فيك !

 

 

 

 

 

 

 

 

 

 

 

 

  مُقدم على عمليه جراحيه لأول مره في حياتي .. مش ممكن تخاف من

  الموت .. ليش الدنيا مليانه مستشفيات في كل التخصصات في كل

  العصور .. ليش الدنيا دكاتره .. على أمل يخلصونك من العذاب .. هذي

  مهنتهم في الحياة !

 

 

 

 

 

 

 

 

 

 

 

 

  تفشل عمليه جراحيه .. خلْ تفشل وتموت عادي .. الأموات في ثلاجات

  المستشفيات أكثر من العاملين الأحياء الأصحاء في المستشفى نفسها !

 

 

 

 

 

 

 

 

 

 

 

  أهم ما في الحياة على الإطلاق هي الحريه .. وأكبر عقاب في الدنيا هو

  السجن .. الإعدام أرحم بكثير .. الحريه ما يعرفها إلا اللي محروم منها

  لكن كونك إنسان طبيعي حر في كل شيء في حياتك .. معناها إنك طير !

 

 

 

 

 

 

 

 

 

 

 

 

  سمعت عن طير محكوم عليه بالسجن غير البلبل المغرد .. الناس اللي

  يحطونه في قفص في البيت مجرمين .. يغرد من الألم .. محكور .. مسجون

  التغريده اللي تسمعها منَه نواح .. لكن لأنك حمار .. ما تعرف لغة الطيور !

 

 

 

 

 

 

 

 

 

 

 

 

  ما في أروع من الحريه في الحياة .. حتى لو قافل عليك بيتك طول العمر

  وحدك .. في ثانيه وحده الفجر تاخذ شنطتك فيها الباسبورت .. جواز السفر

  وفلوسك وتروح المطار .. لأي مكان في العالم على أي طياره .. أي خطوط

  من عمره في مكه إلى السويد في القطب الشمالي !

 

 

 

 

 

 

 

 

 

 

 

 

  ما في عليك ممنوع في كمبيوتر المطار .. لا أنت مطلوب لأنسان ولا أنت

  حرامي ولا عليك منع من امن الدوله !

 

 

 

 

 

 

 

 

 

 

 

  آلاف ممنوعين من السفر .. مطلوب في الكمبيوتر .. عمرك ما تشوف

  الغروب لا في القاهره على نهر النيل ولا روعة لبنان ولا في السويد !

 

 

 

 

 

 

 

 

 

 

 

  موت إهني يا حمار .. الكويت أتموَت المخلوق فيها من غير مصيبه عليك !

 

 

 

 

 

 

 

 

 

 

 

 

 

 

  في كيفي أنام .. في كيفي أصحى .. في كيفي أصور وأكتب .. في كيفي

  أموت ..  لولا أنتي في الخيال .. كنت ميت يا أحلا ورده في هذا الزمان !

 

 

 

 

 

 

 

 

 

 

 

 

 

  تحب ناس خارج حدود وطنك .. ما تشوفهم قاعدين جدامك .. لكن تحبهم

  من خلال صوتهم بالتلفون .. وأسلوبهم بالكلام .. التلفون أسهل من الماي

  ثانيه وحده تسمعه كأنه قاعد جنبك .. يمك .. واختراع الأنترنت يخليك

  تقراه على صفحتك كأنك راح تشوفه صدفه في الجمعيه التعاونيه بعد 10

  دقايق لما تروح تشتري شي تاكله على شان جوعان وايد !

 

 

 

 

 

 

 

 

 

 

 

 

  هالانسانه تحب الجبن .. راح تلاقيها عند قسم الأجبان .. هي تحب

  الفسيخ .. راح نلاقيها عند الزفر !

 

 

 

 

 

 

 

 

 

 

 

  مجرد صدفه .. من ملايين السنين .. مرت علينا جحافل من الديناصورات

  رايحا تتمشى من عمان الى البصره في العراق .. اتدور العشب اتعبت

  من المشي .. جوعانه .. ماتت في الأحمدي بالكويت .. تحللت أجسادها

  بعد ملايين السنين صارت طبقه في قاع الأرض .. وتحولت الى ما يسمى

  بترول .. وصرنا أغنياء .. لازم علمنا الوطني يكون فيه صورة ديناصور !

 

 

 

 

 

 

 

 

 

 

 

 

  امنين يجيك بترول وغاز بهذي الكميه .. من العدم ؟

  من هذا الحيوان الجيكر اللي راسه ماله علاقه في مؤخرته .. هذا الحيوان

  اللي خلاك وأنت حافي تشتري كاديلاك !

 

 

 

 

 

 

 

 

 

 

 

 

  الخيال خرطي .. الخيال يسبح بذكرى ماتت من ألف سنه .. تحط راسك

  التعبان على المخده وتسرح فالروعه اللي كانت في أحضانك وتنام ..

  وتعال شوف الاحلام .. قطط .. فيران سود .. أنا أول ما غمضت عيني

  شفت فيل يتحرش فيني !

 

 

 

 

 

 

 

 

 

 

 

  كلمت انسانه رائعه بالتلفون .. اخطبها لي .. كنا نحب بعضنا من زمان

  حب برئ .. سمعتي الطلب ؟ .. ردها كان مثل أنسان قارصته حيّه

  ثعبان كوبرا .. مثل انسان ناشر ثوبه المغسول على واير كهربا مزلوغ

  قوته 240 فولت .. اشدعوا يا حافظ .. هالكثر انا بشع !

 

 

 

 

 

 

 

 

 

 

 

 

  لا تقول حق أحد .. من أقول له .. حق أمي والا المستمعين للإذاعه

  أقول حق احد عقب هالدقره .. يا دي الكسوف !

 

 

 

 

 

 

 

 

 

 

 

 

  أشوف قناة في التلفزيون علميه .. يطلع فيها متحدثين أساتذه كبار

  متخصصين في الكون .. عندهم دكتوراه .. مو قادر أصدق ان الكره

  الأرضيه هي الكوكب الوحيد .. اللي فيه بحار ومحيطات وأنهار ..

  وفيه مخلوقات أسمها بني آدم .. رجل وأنثى .. ويحبون بعض ..

  وينامون مع بعض .. ويجيبون أولاد مثل الفيران والأرانب .. فيها

  أروع الورود .. وأجمل الأشجار الخضره .. وفيها شي أسمه الحب

  وفيها قتل .. وألم وإعدام !

 

 

 

 

 

 

 

 

 

 

 

 

 

  ليش الكواكب الثانيه في المجموعه الشمسيه اللي إحنا من ضمنهم

  وأعتقد ان احنا أهم ما فيهم .. إحنا اللي على الأرض نتكلم .. عندنا

  لغه .. عندنا تلفونات عندنا طيارات عندنا انترنت قاعدين نطير حواليها

  بعد ثلاث ساعات تكون في أروع ارض زي زمان في القاهره أيام عبدالناصر

  زي بيروت زي المغرب .. ليش الكواكب الثانيه في المجموعه الشمسيه

  اللي هي معروفه القمر .. المريخ .. عطارد .. بلوتو طبعا بحكم العلم

  وروعة المناظير في العالم سواءً المنصوبه في أرض هاواي أمريكا

  أو روعة التلسكوب ( هابل) هاللي يتجول في السموات ودقة العدسه

  وانفجار نجم ومولد نجم آخر .. هالأكوان أبعد من نظرك ونظري ..

  راح يكون فيها مخلوقات مثلنا ؟ لحد الآن اللي نعرفه علميا ً في

  كواكب المجموعه الشمسيه القمر .. زحل .. المريخ .. لا فيها ماي

  مثل اللي عندنا في كوكب الأرض ولا أوكسجين .. ولا جاذبيه .. تموت

  هناك من غير بدله فضائيه .. ما تقدر تتنفس .. وتنقز مثل أرنب ..

  ما فيه جاذبيه .. صخر حقير الكوكب بارد في الليل لحد الموت وحار

  في النهار كأنه جهنم !

 

 

 

 

 

 

 

 

 

 

 

 

 

  النفط شجابه لنا .. ليش ما طلع بهذي الكميه في خرمستان .. والا في

  البحرين .. تحفر غار ضب في الصحرا  ما توصله .. لو عزمت أصريت

  راح تطلع ايدك سوده فيها سائل اسود ثقيل مو ضب نفط يا سيدي هذا

  الضب !

 

 

 

 

 

 

 

 

 

 

 

 

  احنا نسبح فوق حقل أسود .. من ملايين السنين .. اسمه النفط .

  الأجانب الأنجليز والأمريكان اخترعوا المصافي صار بنزين صار

  عندك سياره روزرويس صار عنك ثروه .. صار عندك كاديلاك

  وسيكل صار عندك اقتصاد وإنت كنت تاكل بقايا الحيوانات في

  بداية القرن العشرين !

 

 

 

 

 

 

 

 

 

 

 

 

  شفت شي في حياتي ما اعتقد انه حلم في المنام .. ولا يمكن يكون

  حقيقه في النهار صاحي .. أنا ما عشت على الأوهام والخرابيط

  والسحر والجن .. مذكور في القرآن اوكي .. ما تتعاطاه الا وحده

  سفله جيكره !

 

 

 

 

 

 

 

 

 

 

 

 

  البنت الحلوه الراقيه تاخذ عقلك بدون سحر وام هدروس .. لانها

  هي ساحره اتصادفها في الجمعيه تصير أطرم أبكم .. وتصير حول

  وتنسى في دقيقه ليش جاي الجمعيه أساسا !

 

 

 

 

 

 

 

 

 

 

 

 

  تصف وراها في طابور الكاشير وأيديك خاليه ما معاك شي .. مسحور

  كل هذا علشان تشم ريحتها في الطابور .. صلوات على محمد !

 

 

 

 

 

 

 

 

 

 

  وحده ثانيه خوف أنك تشوفها في الجمعيه صدفه .. تروح أربع الصبح

  علشان جوعان وخايف !

 

 

 

 

 

 

 

 

 

 

 

 

 

  في جريدة الراي .. حُكم على وحده خوش بوش 3 سنوات سجن .. إمرأه

  معجبه في واحد بعثت صورها عاريه لموقعه على النت .. يا حمار ..

  تاخذ جهازك وتروح المخفر .. هذي الرجوله .. إمحيه وأسكت .. والا

  أنت المسيح الجديد ؟!

 

 

 

 

 

 

 

 

 

 

 

 

  هذي مو صدفه .. وحده تبعث لك صورها عاريه ما تعرفك ؟ بينك وبينها

  بلاوي .. مصايب مده طويله .. خانتك .. حبيت تنتقم منها .. أنت الآن

  مثلها .. أنت اللي مفروض تنسجن .. حلاتك ياعذراء .. يا عفيف النفس

  يا متدين هاللي سويته يعني أنت مثلها !

 

 

 

 

 

 

 

 

 

 

 

 

  اتخيل وأنا أقرأ الجرايد المصريه يوميا .. صوره للرئيس المعزول

  مرسي .. وأمامي صورة جمال عبدالناصر .. أنت تضحك وإلا تبكي !

 

 

 

 

 

 

 

 

 

 

 

 

  بنت طلعت بالصدفه طقاقه في الخليج .. الله حط في طريقها ملحن

  اللي هو .. أُشتهرت وانتشر شريطها الكاسيت الأول .. بعد كم سنه

  قامت تطلع في محطات تلفزيونيه تعيسه .. وتسب الناس وتردح

  لمطربات عرب آخرين .. بعدين صارت اتكلم عن طيارتها الصغيره

  امنين لك يا مخكره طياره .. أي طيار يطير فيك .. اللي ما كان حتى

  في الأحلام يجي في الملايين .. نسوان الخليج المتخلفه عندهم ملايين

  وشيوخ وأمراء وحبربش أي كلام .. يعطون هالتعيسه المتخلفه مليون

  وشريطها في الشارع دينار ونص .. اشلون ما تكون عندها طياره .. لا

  تستعجل عليها .. من تصرفها مع الطيار راح تطيح وتموت  !

 

 

 

 

 

 

 

 

 

 

 

 

 

  الورد خلق في هذي الحياة على شان نشمه . وعلشان نشوفه حوالينا

  وعلشان نهديه للورود من النساء !

 

 

 

 

 

 

 

 

 

 

 

 

  قالوا زمان انه الشاعر المبدع الراحل محمد الفايز تأثر كثيرا في الشاعر

  العراقي الرائع بدر شاكر السياب اللي مات في المستشفى الأميري بالكويت

  في الستينات . رحل في تابوت على سياره حقيره ليدفن في قريته جنب

  مدينة البصره . الأثنين سابونا ورحلوا . الأثنين روعه . غابوا لكنهم في

  الضمائر موجودين . هكذا الشعراء الفلته !

 

 

 

 

 

 

 

 

 

 

 

 

 

  وأنا مراهق كنت أعرف وحده مراهقه مثلي . شاريه من المكتبه

  كتاب رسائل الحب لواحد نصاب . هالحماره تنقل بدون ما تعرف

  ولا كلمه . نسخ وتعطيني الرسائل في 14 سنه جنابها . تعالي والبيت

  خالي اعلمك الحب . انتي عارفه آخر رساله نسختيها من الكتاب شعباره

  عنه . كانت تهديد بالقتل يا حماره !

 

 

 

 

 

 

 

 

 

 

 

 

  مخها مثل لما تطبخ محلبيه . سائله . تختض في المواعين يمين وشمال

  بالضبط قبل لا تودي الصحون الثلاجه علشان تتجمد !

 

 

 

 

 

 

 

 

 

 

 

 

  من رسائل النقال . الجوال . رساله .. برجك الأسد ؟ أخبار سعيده بانتظارك

  اليوم ! رد ببرجك فقط 500 فلس في الأسبوع !

  لا يا سيدي برجي الحمار . عندكم يا حمار برجي !

 

 

 

 

 

 

 

 

 

 

 

 

  القطه اللي أول مبارح . أمام بيتي . تطالعني مده طويله . شلون انا كأنسان

  في نظرها ؟ رايح أرمي الزباله . أنا أعرفك قطه . انتي شلون شايفتني .

  احنا نتكلم عن قطه شوارعيه . كله حامل . وايد سهله وايد رخيصه

  في نص الشارع وحياتك !

 

 

 

 

 

 

 

 

 

 

 

 

  احنا مخلوقات تتكلم 24 ساعه . تألف كتب تكتب خيال . تملى جرايد

  ومجلات . التلفزيون مع انه صوره صار كلام . ما خله شي للإذاعه

  الصوره غابت وصارت جلسات حواره للفجر . وهو انخلق علشان

  الصوره . فلم . مو علشان عقالك .

  احنا مخلوقات في هذا الكون متعتها الكلام . تلفون في البيت . النقال

  الجوال . الانترنت . كلام . اللي جنبك في السرير انثى تنام . لأنك مش

  راضي تسكت وتنام !

 

 

 

 

 

 

 

 

 

 

 

 

  ما أعرف ليش حكومة استراليا مصره على البحث الى الآن عن الطائره

  الماليزيه المنكوبه .. مو أول طائرة ركاب تضيع في المجالات الجويه

  المخيفه .. ولا أول طائره تنام للأبد في قاع المحيط .. هي وركابها !

 

 

 

 

 

 

 

 

 

 

 

 

  من يوم اختراع الطائره .. وهي تضيع وتسقط .. في الثلاثينات من القرن

  العشرين .. إمرأه مغامره اعتقد امريكيه .. جا على بالها تلف العالم في

  طائره صغيره .. محرك واحد .. أختفت ثاني يوم في مكان ما فوق المحيط

  ما لها أثر من تسعين سنه !

 

 

 

 

 

 

 

 

 

 

 

 

  مو بس طائرات .. بواخر مليانه بشر .. مراكب .. اختفت في قاع المحيطات

  ولا مخلوق عرف وين راحت على مر العصور !

 

 

 

 

 

 

 

 

 

 

  هذا شي طبيعي في الحياة من يوم خلق الأنسان .. لازم يموت ناس في

  السفر .. فوق السحاب .. وفي أعماق البحار .. وفي الصحراء الكبرى

  على الأقل مو من الضياع من العطش .. ماكو ماي وضايع في الربع

  الخالي في السعوديه سنة 1880 !

  شلون تعيش على الهوا مثل الضب !

 

 

 

 

 

 

 

 

 

 

 

 

القمر لونه أحمر . دم . يبكي علينا في مارس 2014

لأنك حاضن وحده إسمها أنثى . وهي بقره . وتقول

لها يا قمر . القمرلازم يبكي  !

 

 

 

 

 

 

 

 

 

 

 

 

 

 

تتسائل NATIONAL GEOGRAPHIC

هل نعيش وحدنا في الكون ؟

إي نعم . في المجموعه الشمسيه اللي الكره الأرضيه جزء منها

إحنا نعيش لوحدنا .. ماكو مخلوقات ثانيه . إحنا بس . الناس

اللي نصهم مجرمين وقتله وحراميه ومغتصبين !

 

 

 

 

 

 

 

 

 

 

  ربعنا الكواكب اللي معانا معروفه من زمان . القمر الأقرب لنا

  مشوا عليه الأمريكان 1969 . المريخ الأبعد صوروه بالتفاصيل

  مركبه فضائيه . أو مسبار . طار من وكالة الفضاء الأمريكيه . ناسا في 1977 .

  المريخ تدور حواليه أقمار . صوروها بالتفاصيل . المركبه الأمريكيه

  أو المسبار طلع من حدود المجموعه الشمسيه . دخل كون ثاني ما نعرفه

  أبدا ولا يمكن نتخيله . صورت المركبه اللي انطلقت في 1977 كون آخر

  وكوكب صخري أكبر من الأرض .. وتسائل العلماء في ناسا الأمريكيه

  وأوربا .. مفروض تكون الكواكب هذي غازيه .. مو صخريه مثل الأرض

  والقمر والمريخ وأقماره . واستنوا عشرين سنه من الآن وشوفوا أجيالنا

  القادمه شراح تشوف . مقهور ما راح أكون موجود !

 

 

 

 

 

 

 

 

 

 

 

 

 

 

 

  دُعابه تقال عن الشعب الصيني . لأنه عددهم مش معقول . ياكلون كل

  شي يمشي على الأرض إلا السياره . وكل شي يطير إلا الطياره .. وكل

  شي يسبح إلا الباخره !

 

 

 

 

 

 

 

 

 

 

 

  أشوف محطتهم الفضائيه .. يطبخون حتى الجرائد اليوميه .. مو معقول

  أكلهم في أكشاك الشوارع . كل شي يخطر في بالك يسوون منه مرق على

  كيفك . حتى لو لقيت في المرقه أصبع بني آدم . وسطرين من جريدة ..

  يخرب بيتكم !

 

 

 

 

 

 

 

 

 

 

 

 

 

  جرب السكون مع روحك .. إطفي التكييف . والتلفزيون وأي مصدر

  صوت ثاني . راح تسمع أنفاسك وما عندك ربو في صدرك . راح تسمع

  النمله اللي ماشيه جدامك . مع إنه النمل لما يجتمعون يتهاوشو

  ويصارخون . لهم لغه ومسبه ما تسمعها الأذن البشريه . كثير من

  الحشرات أصواتهم على موجه خارج طاقة الأذن البشريه . مثل الشفره

  الصامته بالنسبه لنا . هو فيه مخلوق فيه روح ماله لغه ؟

  فاكر بس حضرتك اللي تصارخ علينا !

 

 

 

 

 

 

 

 

 

 

 

  هالحشرات يتهاوشون . ويهددون . ويصارخون على موجه ما يسمعها

  الا عدوّه . أو حبيبه !

 

 

 

 

 

 

 

 

 

 

 

 

 

  البلابل بس نسمعهم .. وكل انواع الطيور في الكون . أكثرهم وأتعسهم

  الزرازير لأنهم يتكاثرون من بوسه . الحيوانات بكل أنواعها لهم صوت

  ولغه . أحلى صوت . صوت الحمار طبعا . مع انه صوته ملعون في القرآن !

 

 

 

 

 

 

 

 

 

 

 

 

 

  الله عطانا عقل . ميزنا عن كل المخلوقات الحيه على كوكب الأرض .

  ما عطانا مخ تحطه في مقلاة وسط الدهن على شان تفطر فيه مع

  بطل بيبسي !

 

 

 

 

 

 

 

 

 

  نص الشعب يطلب من محل الساندوش . ساندوش مخ مع بطاط . مخ

  منهو بالضبط .. ياكله مع سلطه فوقه وبطل بيبسي !

 

 

 

 

 

 

 

 

 

 

  بالتأكيد مو مخ عالم من علماء ناسا وكالة الفضاء الأمريكيه . مخ واحد

  أنت تعرفه .. لأنه مثل مخك !

 

 

 

 

 

 

 

 

 

 

 

 

 

  الشغف المتطرف يقود الى نتائج وخيمه . الكلام عن الجنس المحرّم

  فيها قتل !          

 

 

قناة تلفزيونيه متخصصه

في الجريمه         

 

 

 

 

 

 

 

 

 

 

 

 

 

 

   لا يمكن أتحمل منظر الدم . لا على الشاشه الصغيره ولا في الحياه .

  في سنة 1977 في إرتريا كانت الدماء والجثث أمامي عادي . أصور

  فلم وثائقي . وفي الإحتلال العراقي في 1990 للكويت .. الدم عادي

  محتل وقاتل .. هذي طبيعة العراقيين . الدم عندهم مثل البيبسي .

  شوف العراق الآن . سوريا .. اليمن .. ليبيا . الدم نتيجة قتل الأرواح

  عادي . لو شفت قطرة دم من صبعي أموت . وأنا اللي صورت الموت

  في لحظته !

 

 

 

 

 

 

 

 

 

 

 

 

 

 

  طالما كنت مبدع راح تعيش بعد موتك . زمنا زمن الصوت والصوره

  راح تشوفك أجيال و أجيال . مثل أنور وجدي والريحاني . كلهم ماتوا

  في نهاية الاربعينات من القرن العشرين !

 

 

 

 

 

 

 

 

  بوب مارلي . مطرب من جامايكا . مات برضه . له موسيقى عجيبه

  سحر فيها عالم . وصل لأوروبا . والحشود في ملعب مئات الآلاف

  قبل لا يموت . الفرقه أربع أشخاص أسلوب جديد . موهبه . هكذا هي

  الدنيا يا صديقي . كون شي جديد . وأنا أسعى وراك لآخر الدنيا !

 

 

 

 

 

 

 

 

 

 

 

 

 

  لما يوحشك صوت . ما سمعته من زمان . ودك . تتمنى تسمعه قبل

  لا تنام . لا يمكن تلقاه لا في ذاكرة الموبايل . ولا دفاتر التلفون . ولا

  ذاكرتك . لو عندك ذاكره . ما خبصت البيت . روح نام . هو على العموم

  الحين نايم !

 

 

 

 

 

 

 

 

 

 

 

 

 

  الحياه مليانه بالمختلين . المجانين . المجرمين . المرضى عقلياً . نفسياً

  يقتلون أنسان مثلهم . أقرب الناس . كأنه قاتل عصفور والحياه مليانه

  أحبَه . وأصدقاء روعه . وعشق وحب ماله نهايه !

 

 

 

 

 

 

 

 

 

 

 

 

 

  سلام وطمئنينه وأنتاج وفرح ورقص في الشوارع في كل أوروبا .

  واليابان وأكثر دول شرق آسيا . الا الشرق الأوسط ؟

  والعرب بالذات . ليش ؟ ليش هالكثر تحبون الدم ؟ سوريا العراق

  ليبيا اليمن ؟

 

 

 

 

 

 

 

 

 

 

 

 

 

   الحب عجيب . تقول له وين أوديك ؟ قال إخذيني فيك . قالت

  أنت أكبر من فيني !

 

 

 

 

 

 

 

 

 

 

 

 

  انت مو ليلة العيد . أنت العيد . أنت الصباح والنور والسلام لما يقولون

  لك عيدك مبارك !

 

 

 

 

 

 

 

 

 

 

 

  ان طلع العيب من أهل العيب . يبقى مش عيب !

 

 

 

 

 

 

 

 

 

 

  كل ابن آدم خطّاء . خير الخطائين . اللي ما يسويها مره ثانيه . يطلع تيس

  أكيد . على الأقل أحسن من معزه !

 

 

 

 

 

 

 

 

 

 

 

 

  المعزه دايما تعيد الخطأ !

 

 

 

 

 

 

 

 

 

 

 

 

 

  هاللون الخرائي على انسان في الحياة . مكتوب في الباسبور النوع

  انثى . يا أنثى الشعر يطلع يوميا دبابيس . قبل لا أصحى من النوم

  أسمع صوت مكينة حلاقه . عندها لحيه !

 

 

 

 

 

 

 

 

 

 

 

 

  كل الناس في العالم يطلع لهم شعر خفيف . لطيف . راقين . حدهم اتشيله

  في الكوافير . هذى لحيه بنت الكلب !

 

 

 

 

 

 

 

 

 

 

 

 

 

  الظلم ظلمات يوم القيامه . أشكثر قتلوا الأمويين والعباسيّين من البشر

  على مر العصور . راح يتلاقون معاكم القاتل والمقتول بين يدي الله

  يوم القيامه !

 

 

 

 

 

 

 

 

 

 

 

 

  لي مكان أقعد فيه دائما أمام التلفزيون . تعودت أحط الصينيه عليها

  فطار بسيط ممكن تنزل نقطة فول على السجاده . تنظيفها بسيط

  وسهل . فرشه بلاستك وخلصنا . راحت نقطة الفول . بتشيل شنهو !

 

 

 

 

 

 

 

 

 

 

 

 

  هذا ورد مطبوع على السجاده . ما يطلع يا بغل !

 

 

 

 

 

 

 

 

 

 

 

  البغل حيوان محتار . لاهو حمار ولاهو حصان . يقال قبل لا يخلق

  الأنسان . الحيوانات كانت عايشه على طبيعتها من ملايين السنين

  الحماره عشقت حصان . في ليله ظلمه تزاوجوا . طلع البغل !

 

 

 

 

 

 

 

 

 

 

 

 

  الله لما يغضب عليك غضب الدنيا . يسويك حمار في القاهره !

  شايل الشقه وتنطق طق !

  الله عليك يا حمار !

 

 

 

 

 

 

 

 

 

 

        أمجد رسمي

                                                             جريدة الشرق الاوسط

 

 

 

 

 

 

 

 

 

 

 

 

        أموت على شفايفك . بالذات الشفه السفليه . مالت مص .

       وتضحك ! يحق لك . هو في حيوان في الدنيا عند زي شفايفك !

 

 

 

 

 

 

 

 

 

 

 

 

 

 

  قال يعني . اليوم عيد ميلادي . 15\5\2015 . أحب الخمسات لما تمشي

  ورا بعض . كل سنه وأنا طيب . سنه حلوه يا وحش !

 

 

 

 

 

  على راي الصحفي الاديب والشاعر الرائع كامل الشناوي

 

  عدت يا يوم مولدي

  عدت يا أيها الشقي

  الصبا ضاع من يدي

  وغزا الشيب مفرقي

  ليت يا أيها الشقي

  كنت يوما بلا غدي

 

                     ملاحظه : غناها فريد الأطرش

 

 

 

 

  عيد ميلادي هو ذكرى إحتلال فلسطين وقبل 24 ساعه صدمت بالسياره

  على الطريق السريع 3 بعارين عابرين . أنا تمثال جبس في مستشفى

  العظام . وهما يتمخترون في البريه . كأنه اللي صدمهم زرزور !

 

 

 

 

 

 

 

 

 

 

  البعير . اجكر حيوان على الأرض . أوحش من الأوحش . رقبته ما لها

  علاقه في راسه . راسه ماله علاقه في شفايفه . مؤخرته مالها علاقه

  في سيقانه . سيقانه مالها علاقه في قدمه . مدور كانه جهاز كشف

  المتفجرات في الصحراء . ظهره اللي ركبوه العرب في الجزيره العربيه

  وحاربوا من عليه كلهم انهزموا . زي الزفت . ومن آلاف السنين حطوا

  فوقه هودج . أي شي فوق ظهره فقط للنساء . لو وحده حامل فالشهر

  الرابع . يطيح ولدها أول ما يمشي هذا التعيس . البعير !